ناۋرىز ايىندا قازاقستان، يسپانيا جانە رەسەيدىڭ زاماناۋي جەتەكشى مۋزىكانتتاردىڭ ورىنداۋى مەن شەبەرلىك سىنىپتارى; زاماناۋي كومپوزيتورلار شىعارمالارىنىڭ الەمدىك پرەمەرالارى، جاس قازاقستاندىق سۋرەتشىلەر كورمەسى، «ءححى عاسىردىڭ مۋزىكالىق مادەنيەتىندەگى تۇلعا-ءبىلىم-شىعارماشىلىق» حالىقارالىق عىلىمي-پراكتيكالىق كونفەرەنتسياسى ءوتتى، دەپ حابارلايدى "ادىرنا" ءتىلشىسى.
كونفەرەنتسيا بارىسىندا قازىرگى مۋزىكا سالاسىندا شەشىلمەي جاتقان قىزىقتى ءارى وزەكتى ماسەلەلەر قوزعالدى. قازاق مادەنيەتىنە ەڭبەگى سىڭگەن تۇلعالار ەسكە الىندى، مىسالى ءىرى فيلولوگ، تيۋركولوگ قۇدايبەرگەن جۇبانوۆتىڭ مۋزىكاعا قاتىسى بار ويلارى بار ەكەندىگى ايتىلدى، قازاق مۋزىكاسىن ۇيرەتۋ جولدارى تۋرالى ءسوز قوزعالدى، سولفەدجي پاندەرىن وقىتۋ ماسەلەلەرى جايىندا ايتىلدى. سونداي-اق مۋزىكاعا بايلانىستى ورىسشا سوزدەردى ءبىر جۇيەگە كەلتىرىپ اۋدارى ماسەلەلەرى كوتەرىلدى.
كونفەرەنتسيا قاتىسۋشىسى مەرەي سەمباي شاراعا قاتىستى پىكىر ءبىلدىردى.
"Zhubanoffest فەستيۆالىندە مەكتەپتىڭ كامەرالىق وركەسترى "Giovani talenti" (قۇرامى 25 وقۋشى), ديريجەر ارشات ءشاريپتىڭ جەتەكشىلىگىمەن جانە يسپانيادان كەلگەن قوناقتار كومپوزيتور، پيانوشى كارلەس كاسەس، رەسەيلىك ۆيولونچەلشى سۆەتلانا توۆستۋحا، سكريپكاشى البەرتو رەگەرامەن بىرلەسىپ ۇلكەن كونتسەرت قويدى. كونتسەرتتە احمەت جۇبانوۆقا ارنالعان كارينا يزمايلوۆانىڭ فورتەپيانو جانە كامەرالىق وركەسترگە ارنالعان "ارناۋ" شىعارماسى، كارلوس كاسەستىڭ جەكە شىعارمالارى، مەكتەپتىڭ 10 سىنىپ وقۋشىسى الديار وركەسترگى ءوزى وڭدەگەن پابلو دە ساراساتەنىڭ "ينترودۋكتسيا جانە تارانتەللل" شىعارمالارىن جانە ت.ب. ورىندادى. باعدارلاما وتە قىزىقتى جانە جاڭا شىعارمالاردان تۇردى", - دەدى ول.
كونفەرەنتسيا بارىسىندا ءبىرجان مىڭباەۆ كامەرالىق وركەسترگە وڭدەگەن داۋلەتكەرەيدىڭ "كوروعلى" تۋىندىسى ورىندالدى.
