ەۋروپارلامەنتتىڭ بىرقاتار مۇشەلەرى «رەسەي ۇيىم مۇشەلەرىنە ۇگىت-ناسيحات تاراتۋ ءۇشىن پارا بەردى» دەگەن ايىپتاۋلاردى تەرگەۋدى تالاپ ەتتى، دەپ حابارلايدى "ادىرنا" ربك-ۋكرايناعا سىلتەپ.
جاڭارتۋ ليبەرالدىق توبىنىڭ پرەزيدەنتى ۆالەري حايەر ەۋروپارلامەنتكە (ەپ) جولداعان حاتىندا بۇل ماسەلە بويىنشا پارلامەنتتە «شۇعىل پىكىرتالاس» وتكىزۋگە شاقىردى.
اتالمىش تاقىرىپ 10 ساۋىردە بريۋسسەلدە وتەتىن كەلەسى پلەنارلىق وتىرىستا تالقىعا سالىنۋى مۇمكىن.
«ەگەر ەۋروپارلامەنتتىڭ قازىرگى مۇشەلەرى نەمەسە بولاشاق ەۋروپالىق سايلاۋعا ۇمىتكەرلەر رەسەي ۇكىمەتىنەن پارا نەمەسە ولاردىڭ سەنىمدى ادامدارىنان اقشا السا ولاردى ۇستاۋ كەرەك»، - دەدى حەيەر.
گوللانديالىق جاسىل پارتيانىڭ دەپۋتاتى باس ەيكحوت تا ەپ سايلاۋىنا تۇسەتىن كانديداتتاردى تەرگەۋگە شاقىردى.
"ەۋروپا سايلاۋى 10 اپتادان كەيىن بولادى. ءبىز بۇل سايلاۋداعى ۇمىتكەرلەردىڭ ەشقايسىسىنا رەسەيلىكتەر اقشا تولەمەيتىنىنە سەنىمدى بولۋىمىز كەرەك", - دەدى ول مالىمدەمەسىندە.
بۇل ارادا پارلامەنتتەگى ەكى ءىرى ساياسي توپ – ەۋروپا حالىقتىق پارتياسى مەن سوتسياليستتەر مەن دەموكراتتار رەسەيدىڭ ىقپالى تۋرالى ايىپتاۋلارعا قاتىستى از پىكىر بىلدىرگەن.
