Eýroparlamenttiń birqatar músheleri «Reseı uıym múshelerine úgit-nasıhat taratý úshin para berdi» degen aıyptaýlardy tergeýdi talap etti, dep habarlaıdy "Adyrna" RBK-Ýkraınaǵa siltep.
Jańartý lıberaldyq tobynyń prezıdenti Valerı Haıer Eýroparlamentke (EP) joldaǵan hatynda bul másele boıynsha parlamentte «shuǵyl pikirtalas» ótkizýge shaqyrdy.
Atalmysh taqyryp 10 sáýirde Brıýsselde ótetin kelesi plenarlyq otyrysta talqyǵa salynýy múmkin.
«Eger Eýroparlamenttiń qazirgi músheleri nemese bolashaq eýropalyq saılaýǵa úmitkerler Reseı úkimetinen para nemese olardyń senimdi adamdarynan aqsha alsa olardy ustaý kerek», - dedi Heıer.
Gollandııalyq jasyl partııanyń depýtaty Bas Eıkhot ta EP saılaýyna túsetin kandıdattardy tergeýge shaqyrdy.
"Eýropa saılaýy 10 aptadan keıin bolady. Biz bul saılaýdaǵy úmitkerlerdiń eshqaısysyna reseılikter aqsha tólemeıtinine senimdi bolýymyz kerek", - dedi ol málimdemesinde.
Bul arada parlamenttegi eki iri saıası top – Eýropa halyqtyq partııasy men Soıalıstter men demokrattar Reseıdiń yqpaly týraly aıyptaýlarǵa qatysty az pikir bildirgen.
