بۇرىنعى مادەنيەت جانە سپورت ءمينيسترى اسحات ورالوۆ پرەزيدەنت اكىمشىلىگىنىڭ مەملەكەتتىك ينسپەكتورى بولىپ تاعايىندالدى. اقپاراتتى اقوردانىڭ ءباسپاسوز قىزمەتى راستادى، “ادىرنا” ۇلتتىق پورتالى.
اسحات ورالوۆ 1990 جىلى 10 اقپاندا پاۆلودار وبلىسىندا دۇنيەگە كەلگەن. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن، رف ءسىم ماسكەۋ مەملەكەتتىك حالىقارالىق قاتىناستار ۋنيۆەرسيتەتىن بىتىرگەن.
ەڭبەك جولىن 2011 جىلى ل.ن. گۋمەلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-تاربيە جۇمىسى ءبولىمىنىڭ جاستار ۇيىمدارىمەن جۇمىس ءبولىمىنىڭ باس مامانى بولىپ باستاعان.
ءار جىلدارى «نۇر وتان» پارتياسىنىڭ فيليالىندا (قازىرگى «امانات»), استانا قالاسى جاستار ساياساتى ماسەلەلەرى باسقارماسىندا، قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىندە، قر قوعامدىق دامۋ مينيسترلىگىندە قىزمەت ەتتى.
2019 جىلدىڭ ساۋىرىنەن 2020 جىلدىڭ شىلدەسىنە دەيىن – پاۆلودار وبلىسى اكىمىنىڭ ورىنباسارى.
2020 جىلدىڭ شىلدەسىنەن باستاپ قر اقپارات جانە الەۋمەتتىك دامۋ ۆيتسە-ءمينيسترى قىزمەتىن اتقاردى.
2023 جىلعى قاڭتاردان قىركۇيەككە دەيىن قر مادەنيەت جانە سپورت ءمينيسترى قىزمەتىن اتقاردى.
