تانىمال دارىگەر دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
اق حالاتتى ابزال جان ۇزاق ۋاقىت بويى اۋرۋمەن كۇرەسكەنى ايتىلدى.
انا مەن بالا ۇلتتىق ورتالىعىنىڭ ديرەكتورى، بەلگىلى دارىگەر-پەدياتر بەكباي حايرۋلين بۇگىن كوز جۇمعان.
"بۇگىن تاڭەرتەڭ 64 جاسقا قاراعان شاعىندا ءبىزدىڭ قىمباتتى دوسىمىز، ارىپتەسىمىز جانە مەيىرىمدى، جاناشىر ادام، پەدياتر دارىگەر، UMC مەديتسينالىق ديرەكتورى بەكباي ەسليامۇلى حايرۋلين ۇزاق ۋاقىت بويى اۋرۋمەن كۇرەسىپ، كوز جۇمعانىن وكىنىشپەن حابارلايمىز", - دەلىنگەن UMC حابارلاماسىندا.
بەكباي ەسليامۇلى 2009 جىلعا دەيىن – دەنساۋلىق ساقتاۋ مينيسترلىگىنىڭ باس پەدياتر دارىگەرى، ەمدەۋ-پروفيلاكتيكا دەپارتامەنتى انا مەن بالا دەنساۋلىعىن قورعاۋ باسقارماسىنىڭ باستىعى قىزمەتىندە بولدى. ءومىر جولىن مەديتسينا سالاسىنا ارناعان دارىگەر مەديتسينالىق قىزمەت كورسەتۋ سالاسىنداعى باقىلاۋ كوميتەتىنىڭ مەديتسينالىق قىزمەت ساپاسىن باقىلاۋ ءبولىمىنىڭ باستىعى، مەڭگەرۋشىسى. وبلىستىق دەنساۋلىق ساقتاۋدى دامىتۋدى باقىلاۋ دەپارتامەنتى، مەديتسينالىق قىزمەت كورسەتۋ سالاسىنداعى باقىلاۋ كوميتەتىنىڭ استانا قالاسى بويىنشا دەپارتامەنتى ديرەكتورىنىڭ ورىنباسارى بولعان.
