قىرعىزستان ۇلتتىق قاۋىپسىزدىك مەملەكەتتىك كوميتەتى ەل باسشىلىعىنا قاستاندىق جاساماق بولعان ترانسۇلتتىق ۇيىمداسقان قىلمىستىق توپ مۇشەلەرىن ۇستادى. بۇل تۋرالى كابار سايتى جازدى، دەپ حابارلايدى “ادىرنا” ۇلتتىق پورتالى.
“شەتەل ازاماتتارى مەن مەملەكەتارالىق ىزدەۋدە بولۋى مۇمكىن تۇلعالاردىڭ اراسىنان ۇيىمداسقان قىلمىستىق توپتاردىڭ زاڭسىز ارەكەتتەرىن انىقتاۋ جانە جولىن كەسۋگە باعىتتالعان جەدەل ءىس-شارالاردى ۇيىمداستىرۋ بارىسىندا ترانسۇلتتىق ۇيىمنىڭ مۇشەلەرى - ازەربايجاننىڭ 5 ازاماتى انىقتالدى”، دەلىنگەن حابارلامادا.
قىرعىز رەسپۋبليكاسىنىڭ ۇلتتىق قاۋىپسىزدىك ورگاندارىنىڭ نازارىنا تۇسكەن قىلمىستىق توپ: اليەۆ ۆ.م.، باگيروۆ س.ا.، اسگاروۆ م.و.، بەحبۋدوۆ م.س. ال مامەدوۆ ز.ي.
مالىمەتكە سايكەس، قىلمىس الەمىندە "قاڭعىباس" دەگەن لاقاپ اتىمەن بەلگىلى م. اسگاروۆ قىلمىستىق ورتانى نىعايتۋ جانە ۇرىلار يدەولوگياسىن تاراتۋ، سونداي-اق ءوزىنىڭ مارتەبەسىن ارتتىرۋ ماقساتىندا مەملەكەت جۇرگىزىپ جاتقان ۇيىمداسقان قىلمىستىق توپقا قارسى بەلسەندى كۇرەس ساياساتىنا بايلانىستى ەل باسشىلىعىنا قاستاندىق جاساۋ ءۇشىن سەرىكتەستەرىمەن قىرعىز اۋماعىنا كەلگەن.
وسىعان بايلانىستى قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى 2024 جىلعى 22 ناۋرىزدا جەدەل-ىزدەستىرۋ شارالارىن جۇرگىزىپ، ناتيجەسىندە جوعارىدا اتالعان تۇلعالاردىڭ بارلىعى ۇستالدى.
قازىرگى ۋاقىتتا ولاردى قىرعىز رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتۋ بويىنشا شارالار جۇرگىزىلىپ جاتىر.
