«ناۋرىزناما» ونكۇندىگى اياسىندا ۇلىتاۋ وبلىسىنىڭ ورتالىعىندا 33 وتباسىعا جاڭا پاتەر كىلتتەرى تابىستالدى، دەپ حابارلايدى ۇلىتاۋ وبلىسىنىڭ اكىمدىگى.
ۇلىتاۋ وبلىسىندا جىل باسىنان بەرى جالپى 53 وتباسى پاتەرلى بولىپ ۇلگەردى. بۇگىن تابىس ەتىلگەن 33 پاتەردىڭ جالپى اۋماعى 1700 شارشى مەترگە جۋىق. شاڭىراق يەلەرى كىلتتەرىن ءوڭىر باسشىسى بەرىك ابدىعاليۇلىنىڭ قولىنان الدى.
وڭىردە جاڭا تۇرعىن ۇيلەردىڭ قۇرىلىسى قارقىن الىپ كەلەدى. اتاپ ايتار بولساق، بيىل ۇلىتاۋ وبلىسى بويىنشا 36 مىڭ شارشى مەترگە جۋىق تۇرعىن ءۇيدىڭ قۇرىلىسى كوزدەلىپ وتىر، ياعني 400-گە جۋىق پاتەرلىك ۇيلەردىڭ قۇرىلىسىن باستاۋ جوسپاردا تۇر. ونىڭ ىشىندە 270 پاتەر جەزقازعان قالاسىنا تيەسىلى،-دەدى وبلىس اكىمى ءوز قۇتتىقتاۋ سوزىندە.
ايتا كەتەيىك، وبلىستا ناۋرىز مەيرامى قارساڭىندا بىرقاتار مادەني-كوپشىلىك جانە قايىرىمدىلىق ءىس-شارالارى جوسپارلانىپ وتىر.
