الماتى اكىمى باقىتجان ساعىنتاەۆ الماتى-1 تەمىرجول ۆوكزالىندا جۇمىس ساپارىمەن بولدى.
ەڭ الدىمەن اكىم ۆوكزال جانىنداعى كۇردەلى جوندەۋدەن وتكەن تەرريتوريانى باعالاپ شىقتى. قالا باسشىسى قاي باعىتتا جولۋشىلار اعىنى كوپتىگىن سۇرادى.
«وڭتۇستىكتەن كەلەدى. الماتى-2 قالانىڭ ورتالىقتارىن قامتىسا، وڭتۇستىك اۋدانداردان الماتى-1 ۆوكزالىنا توقتايدى. تۇركسىب اۋدانىنداعى 39 اۆتوبۋس مارشرۋتىنىڭ بارلىعى الماتى-1 ۆوكزالىنا كەلىپ توقتايدى»، - دەدى قالا اكىمىنىڭ ورىنباسارى ەرلان اۋكەنوۆ.
«تۇندە قالاي مۇندا؟ اۋدانداعى باسقا جەرلەر دە سونداي ما؟ الدە كەلگەن ادامدارعا كورسەتىلەتىن جەر عانا ما؟» - دەدى اكىم.
«بولاشاقتا ۆوكزال ماڭىن شامامەن 1 كم راديۋستا كورىكتەندىرۋ جوسپاردا بار»، - دەدى ەرلان اۋكەنوۆ. قالا اكىمى ۆوكزال ماڭىندا تروتۋاردىڭ جوقتىعىنا نازار اۋداردى.
«تروتۋار جاساڭىزدار. مىنا سوقپاقتارمەن ءجۇرۋ مۇمكىن ەمەس. تروتۋار جاساۋ، پروبلەما ەمەس قوي. ارى كەتسە 15-20 مەتر عوي، ەسەسىنە ادامداردىڭ العىسىن الاسىزدار»، - دەدى قالا اكىمى.
وسى ساتتە باقىتجان ساعىنتاەۆقا ەكى تۇرعىن كەلىپ، اۋدانداعى كەپتەلىس، پاتەرلەردى جالعا بەرۋ بيزنەسىنىڭ ءورشىپ تۇرعانىن ايتىپ شاعىمداندى.
«مەن اۋدان اكىمىنە جەزوكشەلىكپەن اقشا تابۋ، ەسىرتكى نۇكتەلەرى جاقسى دامىپ كەتكەنىن ايتتىم. بۇل دەرەكتەر الەۋمەتتىك جەلىدە ايتىلدى. وكىنىشكە وراي اكىم كوپ ءمان بەرمەدى. تۇرعىندارعا اۆتوبۋستار، جىنويناق وردالارى كەدەرگى كەلتىرەدى. ماس، تۇرعىلىقتى جەرى جوق ادامدار كوپ. اكىم بومجداردىڭ كوپتىگى تۇرعىلىقتى مەكەنى جوق ادامداردى بەيىمدەۋ ورتالىعىنىڭ بارلىعىمەن بايلانىستىردى. قازىر كەلە جاتساق، الدىمىزدان تالتىرەكتەپ ءبىر ماس كەلە جاتىر. بۇنىڭ ءبارىن شەشەتىن بولامىز»، - دەدى ب.ساعىنتاەۆ. قالالىق پوليتسيا دەپارتامەنتى باسشىسىنىڭ ورىنباسارى كوپ جىلدان بەرى وسى ماسەلەلەردىڭ وزەكتى بولىپ كەلە جاتقانىن ايتتى. ونىڭ ايتۋىنشا، پوليتسيا شەشىمىن تابۋ ءۇشىن جۇمىس ىستەپ كەلەدى.
«كوپ جىلدان بەرى مە؟ ءسىز كوپتەن بەرى ىستەيسىز بە؟ وندا سىزدەر تۇك شەشپەيسىزدەر. وسىعان ۇيرەنىپ كەتكەنسىزدەر»، - دەدى اكىم.
مۇنىڭ الدىندا الماتى-1, الماتى-2 ۆوكزالدارى قالانىڭ كوممۋنالدىق مەنشىگىنە بەرىلەتىنى ايتىلعان بولاتىن.
دەرەككوز: inform.kz
"ادىرنا" ۇلتتىق پورتالى
