Saǵyntaev endi vokzaldarǵa jóndeý jumystaryn jasaýdy tapsyrdy

2714
Adyrna.kz Telegram

Almaty ákimi Baqytjan Saǵyntaev Almaty-1 temirjol vokzalynda jumys saparymen boldy.
Eń aldymen ákim vokzal janyndaǵy kúrdeli jóndeýden ótken terrıtorııany baǵalap shyqty. Qala basshysy qaı baǵytta jolýshylar aǵyny kóptigin surady.

«Ońtústikten keledi. Almaty-2 qalanyń ortalyqtaryn qamtysa, ońtústik aýdandardan Almaty-1 vokzalyna toqtaıdy. Túrksib aýdanyndaǵy 39 avtobýs marshrýtynyń barlyǵy Almaty-1 vokzalyna kelip toqtaıdy», - dedi qala ákiminiń orynbasary Erlan Áýkenov.

«Túnde qalaı munda? Aýdandaǵy basqa jerler de sondaı ma? Álde kelgen adamdarǵa kórsetiletin jer ǵana ma?» - dedi ákim.

«Bolashaqta vokzal mańyn shamamen 1 km radıýsta kóriktendirý josparda bar», - dedi Erlan Áýkenov. Qala ákimi vokzal mańynda trotýardyń joqtyǵyna nazar aýdardy.

«Trotýar jasańyzdar. Myna soqpaqtarmen júrý múmkin emes. Trotýar jasaý, problema emes qoı. Ary ketse 15-20 metr ǵoı, esesine adamdardyń alǵysyn alasyzdar», - dedi qala ákimi.

Osy sátte Baqytjan Saǵyntaevqa eki turǵyn kelip, aýdandaǵy keptelis, páterlerdi jalǵa berý bıznesiniń órship turǵanyn aıtyp shaǵymdandy.

«Men aýdan ákimine jezókshelikpen aqsha tabý, esirtki núkteleri jaqsy damyp ketkenin aıttym. Bul derekter áleýmettik jelide aıtyldy. Ókinishke oraı ákim kóp mán bermedi. Turǵyndarǵa avtobýstar, jynoınaq ordalary kedergi keltiredi. Mas, turǵylyqty jeri joq adamdar kóp. Ákim bomjdardyń kóptigi turǵylyqty mekeni joq adamdardy beıimdeý ortalyǵynyń barlyǵymen baılanystyrdy. Qazir kele jatsaq, aldymyzdan táltirektep bir mas kele jatyr. Bunyń bárin sheshetin bolamyz», - dedi B.Saǵyntaev. Qalalyq Polıııa departamenti basshysynyń orynbasary kóp jyldan beri osy máselelerdiń ózekti bolyp kele jatqanyn aıtty. Onyń aıtýynsha, polıııa sheshimin tabý úshin jumys istep keledi.

«Kóp jyldan beri me? Siz kópten beri isteısiz be? Onda sizder túk sheshpeısizder. Osyǵan úırenip ketkensizder», - dedi ákim.

Munyń aldynda Almaty-1, Almaty-2 vokzaldary qalanyń kommýnaldyq menshigine beriletini aıtylǵan bolatyn.

 

Derekkóz: inform.kz

"Adyrna" ulttyq portaly

Pikirler