پرەزيدەنت قاسىم-جومارت توقاەۆ اتىراۋدا ءوتىپ جاتقان ۇلتتىق قۇرىلتايدىڭ ءۇشىنشى وتىرىسىندا مەملەكەتتىك رامىزدەرگە قاتىستى سىن-پىكىرلەرگە توقتالدى، دەپ حابارلايدى "ادىرنا" ءتىلشىسى.
وسىعان بايلانىستى "ادىرنا" ۇلتتىق پورتالىنىڭ Telegram جەلىسىندەگى پاراقشاسىندا ساۋالناما ءوىپ جاتىر.
مەملەكەت باسشىسى ۇلتتىق قۇرىلتايدا جاڭا ەلتاڭبانىڭ جوباسىن جاساۋعا اشىق بايقاۋ جاريالاناتىنىن مالىمدەگەن بولاتىن.
"قازاقتىڭ ءانۇرانى الەمنىڭ ءار تۇكپىرىندە شىرقالىپ ءجۇر. جاڭا جىلدى جاقىندارىمىزدىڭ ورتاسىندا انۇرانمەن قارسى الۋ جاقسى داستۇرگە اينالدى. ءبىر سوزبەن ايتساق، ءانۇرانىمىزدىڭ ءسوزى دە، اۋەنى دە حالىقتىڭ جۇرەگىنە ابدەن ورنىققان. ال ەلتاڭبامىزعا قاتىستى سىني پىكىرلەر ايتىلىپ قالادى. ونى كەڭەس زامانىنداعى گەربكە ۇقساتىپ جاتادى. تىم ەكلەكتيكالىق، كۇردەلى دەيدى. مۇنداي ويدى ەل ىسىنە بەي-جاي قارامايتىن بەلسەندى ازاماتتار عانا ەمەس، ماماندار دا ايتىپ ءجۇر. ورىندى پايىمدار ەسكەرۋسىز قالماۋى كەرەك", - دەدى قاسىم-جومارت توقاەۆ.
دەگەنمەن بۇل جاڭالىققا قاتىستى حالىقتىڭ ويى ەكىگە بولىنگەن. ءبىرى "جاڭا ەلتاڭبا قاجەت" دەسە، ەندىگى ءبىرى "ودان وزگە دە ماسەلە كوپ" دەگەن پىكىردە.
"ادىرنا" ۇلتتىق پورتالىنىڭ الەۋمەتتىك جەلىلەرىندە وسى ماسەلەگە قاتىستى ارنايى ساۋالناما ۇيىمداستىرىلدى.
Adyrna.kz تەلەگرام ارناسىنا كىرىپ, ءسىز دە ءوز ويىڭىزدى بىلدىرە كەتىڭىز.
