بۇگىن الماتىدا ەكى اۆتوبۋس سوقتىعىسىپ، التى ادام زارداپ شەكتى. بۇل تۋرالى پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«جول-كولىك وقيعاسى تاڭعى ساعات 9:00-دە الاتاۋ اۋدانىندا بەكبولات جانە جاڭا قۇرىلىس كوشەلەرى قيىلىسىندا بولعان. 75 جانە 102 باعىتىنداعى ەكى اۆتوبۋس سوقتىعىسقان»،- دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
سونداي-اق، وقيعا سالدارىنان 6 ادام زارداپ شەككەن.
مالىمەت بويىنشا، 75-اۆتوبۋستىڭ جۇرگىزۋشىسى قاشىقتىقتى ساقتاماۋ سالدارىنان ايالدامادا جولاۋشىلاردى وتىرعىزىپ، ءتۇسىرىپ جاتقان 102-اۆتوبۋسپەن سوقتىعىسقان.
