پرەزيدەنت قاسىم-جومارت توقاەۆ ازەربايجان رەسپۋبليكاسىنا مەملەكەتتىك ساپارمەن باردى، دەپ حابارلادى Halyq Uniءتىلشىسى.
گەيدار اليەۆ اتىنداعى حالىقارالىق اۋەجايدا قازاقستان پرەزيدەنتىن ازەربايجان پرەمەر-ءمينيسترىنىڭ ءبىرىنشى ورىنباسارى ياگۋب ەيۋبوۆ پەن سىرتقى ىستەر ءمينيسترىنىڭ ورىنباسارى سامير شاريفوۆ قارسى الدى، – دەلىنگەن اقوردا حابارلاماسىندا.
قاسىم-جومارت توقاەۆ ازەربايجان پرەزيدەنتىنىڭ «زاگۋلبا» رەزيدەنتسياسىنا باردى. رەزيدەنتسيادا قازاقستان پرەزيدەنتىن سالتاناتتى تۇردە قارسى الۋ ءراسىمى ءوتتى. قۇرمەت قاراۋىلىنىڭ باستىعى ەكى ەل باسشىلارىنا راپورت بەردى.
قازاقستان مەن ازەربايجاننىڭ مەملەكەتتىك ءانۇراندارى شىرقالعاننان كەيىن، قاسىم-جومارت توقاەۆ پەن يلحام اليەۆ ءبىر-بىرىنە رەسمي دەلەگاتسيا مۇشەلەرىن تانىستىردى. سالتاناتتى راسىمنەن كەيىن ەكى ەل باسشىلارى كەلىسسوز زالىنا ءوتتى.
