الماتىلىق دارىگەرلەر ەكى ناۋقاستى سال بولىپ قالۋدان قۇتقارعان، دەپ حابارلايدى "ادىرنا" ءتىلشىسى قازاقپاراتقا سىلتەپ.
ناۋقاس ەكى اجەي اق حالاتتىلاردىڭ ورنىنا ەمشىلەردەن ەم ىزدەگەن. الايدا جاعدايى ناشارلاپ، اۋرۋحاناعا بارۋدان باسقا امال بولماعان..
"وتانىڭ قيىندىعى — ىسىكتىڭ جۇلىننىڭ سىرتىندا ەمەس، ىشىندە ورنالاسۋىندا بولدى. جۇلىننىڭ وزىنە زاقىم كەلتىرۋ قاۋپى جوعارى ەدى. قۇدايعا شۇكىر، ەكى وپەراتسيا دا ءساتتى ءوتتى جانە ارقايسىسى شامامەن 3,5 ساعاتقا سوزىلدى. بۇل وتالاردى جاساۋ بارىسىندا ءبىز ءوز قوزعالىسىمىزدى باقىلاۋ جانە جۇلىننىڭ ساۋ بولىكتەرىنىڭ زاقىمدانۋىن بولدىرماۋ ءۇشىن نەيرومونيتورلار مەن نەيروناۆيگاتسيالىق جۇيەنى قولداندىق", - دەيدى نەيروحيرۋرگ مارات الماتوۆ.
