الماتىدا ماگيسترالدىق جىلۋ تراسساسىندا جارىلىس بولدى، - دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تولەباەۆ كوشەسىنىڭ بويىندا جەردەن ىستىق سۋ اتقىلاعان قۇبىر جارىلىسىنىڭ ۆيدەوسى پايدا بولدى.
«الماتى جىلۋ جەلىلەرى» جشس الماتىنىڭ مەدەۋ اۋدانىنداعى تولەباەۆ پەن ايتەكە بي كوشەلەرىنىڭ قيىلىسىنا جاقىن جەردە ورنالاسقان اۋداندا ماگيسترالدىق جىلۋ قۇبىرىندا جارىلىس بولعانىن حابارلادى. وقيعا ساعات 13:40-تا ديامەترى 400 ميلليمەترلىك قۇبىردا بولدى. جارىلىس بولعان جەردى باقىلاۋعا الىپ ونى «الماتى جىلۋ جەلىلەرى» جشس جەدەل بريگاداسى جوندەۋدە. اپاتتىڭ الدىن الا سەبەبى 1985 جىلدان بەرى جۇمىس ىستەپ كەلە جاتقان قۇبىردىڭ تابيعي توزۋى دەپ اتالدى. جىلۋ جەلىسىنىڭ ىستەن شىققان بولىگىن اۋىستىرۋ جۇمىستارىنىڭ قاۋىپسىزدىگىن قامتاماسىز ەتۋ ءۇشىن قوناەۆ - قازىبەك بي - پانفيلوۆ - ايتەكە بي كوشەلەرىنىڭ ماڭىندا ورنالاسقان عيماراتتارعا ىستىق سۋ جانە جىلۋ بەرۋ ۋاقىتشا توقتاتىلدى»، - دەلىنگەن حابارلامادا.
23:00-گە دەيىن جىلۋ بەرۋدى قالپىنا كەلتىرۋ جوسپارلانۋدا.
