يندۋستريا جانە قۇرىلىس مينيسترلىگى بەلسەندى قازاقستاندىقتارمەن كەزدەسكەننەن سوڭ كادەگە جاراتۋ اقىسىنا قاتىستى تاريف ماسەلەسى بويىنشا مالىمدەمە جاسادى، دەپ حابارلايدى "ادىرنا" ءتىلشىسى Tengri.news-قا سىلتەپ.
مينيسترلىك ءتاريفتى تومەندەتۋ بويىنشا شەشىمدەر قاراستىرىلماعانىن ايتادى.
"مەملەكەتتىك ورگانداردىڭ وكىلدەرى باستاماشىل توپتىڭ بارلىق سۇراقتارى مەن ۇسىنىستارىن مۇقيات تىڭدادى. وتىرىسقا قاتىسۋشىلارعا قازىرگى ۋاقىتتا تاريفتەردى تومەندەتۋ قاراستىرىلىپ جاتقان جوق ەكەنى ءتۇسىندىرىلدى. شەتەلدىك اۆتوكولىكتەردى تىركەۋ كەزىندە تولەمدەردىڭ بولۋى بويىنشا ءتيىستى شارالار تەحنيكالىق رەگلامەنتكە سايكەس كەلمەيتىن كولىك قۇرالدارىن اكەلۋدى شەكتەۋ عانا ەمەس، سونىمەن قاتار وتاندىق اۆتوكولىك ءوندىرىسىن دامىتۋعا قاراجات باعىتتاۋ ماقساتىندا ەنگىزىلدى", - دەپ مالىمدەدى مينيسترلىكتىڭ ءباسپاسوز قىزمەتىندە.
