قازىرگى تاڭدا اباي وبلىسىنىڭ توتەنشە جاعدايلار دەپارتامەنتىندە ارنايى جانە كومەكشى 174 بىرلىك تەحنيكا بار. بۇل تۋرالى تجد باستىعىنىڭ ورىنباسارى، پولكوۆنيك ازامات ورىمباەۆ ايتتى، دەپ حابارلايدى «ادىرنا» ءتىلشىسى.
«اباي وبلىسى توتەنشە جاعدايلار دەپارتامەنتىنىڭ 2022 جىلدىڭ 2-ءشى جارتىجىلىڭدا قۇرىلۋىنا بايلانىستى، وبلىستىق جانە رەسپۋبليكالىق بيۋدجەتتەن «2023-2027 وبلىستىق دامىتۋ باعدارلاماسىن اياسىندا» كەزەڭ-كەزەڭمەن كەرەك-جاراقتى تەحنيكا جانە قۇتقارۋ قۇرالدارىمەن جابدىقتالىپ جاتىر. توتەنشە جاعداي ءمينيسترىنىڭ 2021 جىلعى 06 قىركۇيەكتەگى №429 كاسىبي اۆاريالىق-قۇتقارۋ قىزمەتتەرىن جاراقتاندىرۋ جانە كينولوگيالىق قىزمەتتەردى قامتاماسىز ەتۋ نورمالارى تۋرالى بۇيرىعىنا سايكەس ماشينا ورىندارىنىڭ سانىنا قاراي ەسەپتەلەدى. وسى بۇيراققا قاتىستى "اباي وبلىسى تجد وسجاقجق" رمم-دە نەگىزگى، ارنايى جانە كومەكشى 174 بىرلىك تەحنيكا بولۋى كەرەك»،- دەدى ول.
ازامات ورىمباەۆ قاجەتتى مولشەردى تولىق جاراقتاندىرۋ ءۇشىن نەگىزگى، ارنايى جانە كومەكشى ماقساتتاعى ءورت ءسوندىرۋ اۆتوموبيلدەرى قاجەت ەكەنىن اتاپ ءوتتى.
«بىزدەگى تەحنيكانىڭ ىشىنەن 78-ءى 25 جىلدان بەرى پايدالانىلىپ كەلەدى. بۇگىنگى تاڭدا ولار كەزەڭ-كەزەڭمەن جاڭارتىلىپ جاتىر. تەحنيكانىڭ جەتىسپەۋ سەبەبى نەگىزگى جانە ارنايى تەحنيكالاردىڭ قىمباتشىلىعى سەبەپ بولىپ وتىر. بۇدان بولەك، جىل سايىن بولىنەتىن قارجىنىڭ جەتكىلىكسىز مولشەردە ءبولىنۋىن ايتۋ كەرەك. قر تجم-ءنىڭ 2023 جىلعا ارنالعان مەملەكەتتىك قورعانىس تاپسىرىسى شەڭبەرىندە 8 بىرلىك تەحنيكاعا جەتكىزۋشىلەرىمەن شارت جاسالدى. 2023 جىلعا رەسپۋبليكالىق بيۋدجەتتەن 8 بىرلىك تەحنيكا الۋعا 1 031 520 000 تەڭگە ءبولىندى»،- دەپ تولىقتىردى پولكوۆنيك.
الايدا تجد ورىنباسارى بۇل قاراجات وبلىستاعى ءورت ءسوندىرۋ بولىمشەلەرىن تولىققاندى ءورت ءسوندىرۋ كولىكتەرىمەن قامتامسىز ەتۋگە جەتكىلىكسىز ەكەنىن مالىمدەدى.
