Qazirgi tańda Abaı oblysynyń Tótenshe jaǵdaılar departamentinde arnaıy jáne kómekshi 174 birlik tehnıka bar. Bul týraly TJD bastyǵynyń orynbasary, polkovnık Azamat Orymbaev aıtty, dep habarlaıdy «Adyrna» tilshisi.
«Abaı oblysy Tótenshe jaǵdaılar departamentiniń 2022 jyldyń 2-shi jartyjylyńda qurylýyna baılanysty, oblystyq jáne Respýblıkalyq bıýdjetten «2023-2027 oblystyq damytý baǵdarlamasyn aıasynda» kezeń-kezeńmen kerek-jaraqty tehnıka jáne qutqarý quraldarymen jabdyqtalyp jatyr. Tótenshe jaǵdaı mınıstriniń 2021 jylǵy 06 qyrkúıektegi №429 Kásibı avarııalyq-qutqarý qyzmetterin jaraqtandyrý jáne kınologııalyq qyzmetterdi qamtamasyz etý normalary týraly buıryǵyna sáıkes mashına oryndarynyń sanyna qaraı esepteledi. Osy buıraqqa qatysty "Abaı oblysy TJD ÓSjAQJQ" RMM-de negizgi, arnaıy jáne kómekshi 174 birlik tehnıka bolýy kerek»,- dedi ol.
Azamat Orymbaev qajetti mólsherdi tolyq jaraqtandyrý úshin negizgi, arnaıy jáne kómekshi maqsattaǵy órt sóndirý avtomobılderi qajet ekenin atap ótti.
«Bizdegi tehnıkanyń ishinen 78-i 25 jyldan beri paıdalanylyp keledi. Búgingi tańda olar kezeń-kezeńmen jańartylyp jatyr. Tehnıkanyń jetispeý sebebi negizgi jáne arnaıy tehnıkalardyń qymbatshylyǵy sebep bolyp otyr. Budan bólek, jyl saıyn bólinetin qarjynyń jetkiliksiz mólsherde bólinýin aıtý kerek. QR TJM-niń 2023 jylǵa arnalǵan memlekettik qorǵanys tapsyrysy sheńberinde 8 birlik tehnıkaǵa jetkizýshilerimen shart jasaldy. 2023 jylǵa respýblıkalyq bıýdjetten 8 birlik tehnıka alýǵa 1 031 520 000 teńge bólindi»,- dep tolyqtyrdy polkovnık.
Alaıda TJD orynbasary bul qarajat oblystaǵy órt sóndirý bólimshelerin tolyqqandy órt sóndirý kólikterimen qamtamsyz etýge jetkiliksiz ekenin málimdedi.
