الەۋمەتتىڭ الەۋەتىن ارتتىرۋدى دىتتەگەن قر پرەزيدەنتى قاسىم-جومارت توقاەۆ تاعى ءبىر تىڭ باستاما ۇسىندى. بۇل از قامتىلعان جانە كوپبالالى وتباسىلارداعى بالالارعا ارنالعان ءبىلىم گرانتتارىنىڭ سانىن كوبەيتۋ جانە ماماندىقتارى بويىنشا ستۋدەنتتەرگە ارنالعان ستيپەنديالاردى ۇلعايتۋ. حالىقتىڭ تۇرمىس دەڭگەيىن كوتەرۋ ماقساتىندا تۋىنداعان بۇل تاپسىرما اياسىندا جوو-دا 5 مىڭ گرانت بولىنەدى.
بۇعان قوسا، بيىلعى 1 قىركۇيەكتەن باستاپ ماماندىقتارى بويىنشا ءبىلىم العان ستۋدەنتتەردىڭ شاكىرتاقىسى 30 پايىزى كوتەرىلەدى. الەۋمەتتىك باستاما مۇنىمەن شەكتەلمەيدى. مەملەكەت باسشىسى از قامتىلعان وتباسىلاردان شىققان بالالارعا الەۋمەتتىك قولداۋ شارالارىن جۇيەلى تۇردە جۇرگىزبەك. اتاپ ايتقاندا، وسىنداي ساناتقا جاتاتىن وتباسىلاردىڭ بالالارىنا تەگىن ىستىق تاعامدار بەرۋ مەن تاسىمالداۋدى ۇيىمداستىرۋ، مەكتەپكە قاجەتتى زاتتارمەن قامتاماسىز ەتەمىز دەپ ۋادە بەردى.
ايتا كەتەرلىگى، مەملەكەت باسشىسى ساۋدا-ساتتىق سوعىستارى مەن سانكتسياعا قاتىستى قازاقستان الدىندا تۇرعان كۇردەلى ماسەلەلەرگە قاراماستان، حالىقتى الەۋمەتتىك قولداۋ شارالارىن قولعا الۋ جالعاساتىنىن اتادى. «يگىلىك بارشاعا» دەگەن ۇستانىمدى بەرىك ۇستانعان قاسىم-جومارت كەمەلۇلىنىڭ بۇل يگى قادامى ستۋدەنتەردىڭ ساپالى ءبىلىم الۋىنا، ەلدىڭ ەرتەڭىنە سەنىممەن قاراۋىنا سەپتىگىن تيگىزبەك. ەستەرىڭىزگە سالا كەتەيىك، قازاقستاندا تاۋەلسىزدىك جىلدارىندا 2,8 ميلليون جوعارى ءبىلىمدى مامان دايارلانعان. سالىستىرمالى تۇردە قاراساق، 1991 جىلى جوعارى ءبىلىمى بار ادامداردىڭ سانى 42 مىڭ بولسا، 2018 جىلى بۇل كورسەتكىش 151 مىڭ ادامعا جەتكەن.
"ادىرنا" ۇلتتىق پورتالى
