فوتو جي كومەگىمەن جاسالدى
28 تامىزدا قازاقستاننىڭ دۋبايداعى باس كونسۋلدىعى ءبىر ءۇيدىڭ قىزدارى اقجان جانە جۇلدىز بوحانوۆانىڭ دەنەلەرىن قازاقستانعا جونەلتۋدى ۇيىمداستىردى، دەپ حابارلايدى "ادىرنا" ءتىلشىسى.
بۇل تۋرالى قازاقستان سىرتقى ىستەر مينيسترلىگىنىڭ رەسمي وكىلى حابارلادى.
ءبىر ءۇيدىڭ قىزدارى اقجان مەن جۇلدىز بوحانوۆا بىرىككەن اراب امىرلىكتەرىنىڭ شاردجا قالاسىندا جۇمىس ىستەگەن. 2006 جانە 2004 جىلى تۋعان قىزدار تامىزدىڭ سوڭى – قىركۇيەكتىڭ باسىندا قازاقستانعا قايتۋى كەرەك بولعان. الايدا ولار ءبىر اپتا بۇرىن جاقىندارىمەن بايلانىسىن ۇزگەن. قىزداردىڭ تۋىستارى ولاردى بارلىق جەردەن ىزدەگەنىن ايتقان. كەيىن ءباا قۇقىق قورعاۋ ورگاندارى ەكى قازاقستاندىقتىڭ دەنەسى تابىلعانىن حابارلاعان. تۋىستارىنىڭ ايتۋىنشا، قىزدار قازا بولعان، ال كۇدىكتى ۇستالعان. ول دا قازاقستان ازاماتى. قازىرگى ۋاقىتتا ءباا قۇقىق قورعاۋ ورگاندارى قىزداردىڭ ولىمىنە قاتىستى تەرگەۋ جۇرگىزىپ جاتىر. قازاقستاندىق ديپلوماتتار امىرلىك پروكۋراتۋراسىمەن جانە باسقا دا قۇزىرلى ورگاندارمەن بايلانىستا.
ءسىم وكىلى جانبولات ۇسەنوۆتىڭ ايتۋىنشا، قازاقستاندىق ديپلوماتتار مارقۇمداردىڭ وتباسىنا قاجەتتى كومەك كورسەتۋدى جالعاستىرادى. تەرگەۋ مۇددەسىنە بايلانىستى ءىستىڭ باسقا ءمان-جايلارى ازىرگە جاريالانبايدى.
