Oralǵa ushqan «Air Astana» áýe kompanııasynyń ushaǵy qaıta aınalyp, Almatyǵa oraldy, dep habarlaıdy "Adyrna" ulttyq portaly.
Flightradar24 saıtynyń málimeti boıynsha, «Air Astana» áýe kompanııasynyń KC881 reısi Almatydan Oralǵa ushyp, kenet qaıta aınalyp Almatyǵa qonǵan.
Áýe kompanııasynyń saıtynda reıstiń kúıin tekserý kezinde saǵat 13.40-ta josparlanǵan reıs joıylyp, 2 naýryzda saǵat 16.00-ge aýystyrylǵany kórsetilgen.
«Air Astana» áýe kompanııasy jaǵdaıǵa qatysty jaýap berdi:
«Búgin KS 881 Almaty-Oral reısin oryndaǵan «Air Astana» ushaǵy jolaýshynyń jaǵdaıynyń nasharlaýyna baılanysty áýeden oraldy», - dep túsindirdi «Air Astana» baspasóz qyzmeti.
Áýe kemesiniń komandıri dárigerlerdi Almaty áýejaıyna shaqyrdy. Ushaq 15.10-da qonyp, naýqas jolaýshy jedel járdemge jetkizildi.
