كەشەگى بومبا تۋرالى جالعان اقپارات تاراتقان ەكى ايەلدى ءىىم ۇستادى

1118

"قر ىشكى ىستەر مينيسترلىگى ارىس قالاسىندا قايتىس بولعان ادامداردىڭ سانى ۇشەۋ ەكەندىگىن رەسمي تۇردە راستايدى.  "ەگەر دە ازاماتتار زارداپ شەككەن ادامدار تۋرالى قانداي دا ءبىر قوسىمشا دەرەكتەرگە يە بولسا، رەسمي تۇردە ىشكى ىستەر مينيسترلىگىنە شاعىمدانۋعا شاقىرامىز", - دەلىنگەن ءىىم حابارلاماسىندا.

سونداي-اق، شىمكەنت قالاسىنىڭ پوليتسيا دەپارتامەنتى قۋاتتى بومبا جارىلىسى بولادى دەگەن جالعان اقپاراتتى تاراتقاندارى ءۇشىن ەكى ايەل ادامدى ۇستادى. ىشكى ىستەر ورگاندارىمەن ۇستالعاندارعا قاتىستى قر قك 247 بابىبىنىڭ 1 تارماعىمەن سوتقا دەيىنگى تەرگەۋ امالدارى جۇرگىزىلىپ جاتقانى ايتىلادى. قايتىس بولعانداردىڭ سانى جونىندە جالعان حابار تاراتقاندار دا جازالىناتىنىن ەسكەرتتى.   سوڭعى تاۋلىكتەر بويىنشا اتالعان باپپەن 3 دەرەك تىركەلىپ وتىر. قازاقستان رەسپۋبليكاسىنىڭ ىشكى ىستەر مينيسترلىگى تۇرعىنداردى الەۋمەتتىك جەلىلەر ارقىلى جانە ءتۇرلى مەسسەندجەرلەر ارقىلى تارالاتىن جالعان اقپاراتقا سەنبەۋلەرىن جانە ۇرەيگە بوي الدىرماۋلارىن سۇرايدى" دەپ حابارلايدى ارىس قالاسىنا ارنايى بارعان "ادىرنا" ۇلتتىق پورتالىنىڭ ءتىلشىسى وڭعار قابدەن.

ەسكە سالايىق، 24 ماۋسىمدا ساعات 9.20-دا ارىس ماڭىنداعى اسكەري ءبولىم تەرريتورياسىندا ورنالاسقان قارۋ-جاراق قويماسىندا وق-دارىلەر جارىلا باستادى. قالادا 45 مىڭ ادام تۇرادى، ونىڭ ءبارى ەۆاكۋاتسيالانعان. قايعىلى وقيعادان قالا تۇرعىنى اۋىر جاراقات الىپ، قازا تاپقان، ونىڭ كولىگىنە سنارياد تۇسكەن. 25 ماۋسىمدا ءبىر اسكەري قازا تاپقان، ونىڭ دەنەسى قويمالار ماڭىنان تابىلعان. 26 ماۋسىمدا تاعى ءبىر اسكەريدىڭ قازا تاپقانى انىقتالدى.

 

"ادىرنا" ۇلتتىق پورتالى

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket