"QR Işkı ıster ministrlıgı Arys qalasynda qaitys bolǧan adamdardyŋ sany üşeu ekendıgın resmi türde rastaidy. "Eger de azamattar zardap şekken adamdar turaly qandai da bır qosymşa derekterge ie bolsa, resmi türde ışkı ıster ministrlıgıne şaǧymdanuǧa şaqyramyz", - delıngen IIM habarlamasynda.
Sondai-aq, Şymkent qalasynyŋ polisiia Departamentı quatty bomba jarylysy bolady degen jalǧan aqparatty taratqandary üşın ekı äiel adamdy ūstady. Işkı ıster organdarymen ūstalǧandarǧa qatysty QR QK 247 babybynyŋ 1 tarmaǧymen sotqa deiıngı tergeu amaldary jürgızılıp jatqany aitylady. Qaitys bolǧandardyŋ sany jönınde jalǧan habar taratqandar da jazalynatynyn eskerttı. Soŋǧy täulıkter boiynşa atalǧan bappen 3 derek tırkelıp otyr. Qazaqstan Respublikasynyŋ ışkı ıster ministrlıgı tūrǧyndardy äleumettık jelıler arqyly jäne türlı messendjerler arqyly taralatyn jalǧan aqparatqa senbeulerın jäne üreige boi aldyrmaularyn sūraidy" dep habarlaidy Arys qalasyna arnaiy barǧan "Adyrna" ūlttyq portalynyŋ tılşısı Oŋǧar Qabden.
Eske salaiyq, 24 mausymda saǧat 9.20-da Arys maŋyndaǧy äskeri bölım territoriiasynda ornalasqan qaru-jaraq qoimasynda oq-därıler jaryla bastady. Qalada 45 myŋ adam tūrady, onyŋ bärı evakuasiialanǧan. Qaiǧyly oqiǧadan qala tūrǧyny auyr jaraqat alyp, qaza tapqan, onyŋ kölıgıne snariad tüsken. 25 mausymda bır äskeri qaza tapqan, onyŋ denesı qoimalar maŋynan tabylǧan. 26 mausymda taǧy bır äskeridıŋ qaza tapqany anyqtaldy.
"Adyrna" ūlttyq portaly
