1 ناۋرىزدان باستاپ الماتىدا ەلەكتر ەنەرگياسىنىڭ تاريفتەرى وزگەرەدى، دەپ حابارلايدى "ادىرنا" ۇلتتىق پورتالى.
الماتى قالاسى تابيعي مونوپوليالاردى رەتتەۋ كوميتەتىنىڭ دەپارتامەنت باسشىسى اسەل بۋدەنەەۆا ءمالىم ەتكەندەي، "بىرىڭعاي ساتىپ الۋشى" مودەلىنىڭ ەنگىزىلۋىنە جانە ورتاشا ايلىق جالاقىنىڭ وزگەرۋىنە بايلانىستى ەلەكتر ەنەرگياسى تاريفتەرى كوتەرىلەدى.
ماسەلەن، ورتاشا ساتۋ ءتاريفى ققس-سىز 28 تەڭگە/كۆتساع قۇرايدى.
حالىققا ارنالعان تاريف - ققس-سىز 25,55 (+10%) تەڭگە/كۆتساع.
زاڭدى تۇلعالار ءۇشىن تاريف - ققس-سىز 29,73 (+11%) تەڭگە/كۆتساع.
بيۋدجەتتىك ۇيىمدار ءۇشىن تاريف - ققس-سىز 32,73 (-10%) تەڭگە/كۆتساع.
ءامات وندىرۋشىلەرى ءۇشىن تاريف-ققس-سىز 28 تەڭگە/كۆتساع.
سونداي-اق الەۋمەتتىك ماڭىزى بار ازىق-تۇلىك ونىمدەرىن وندىرۋشىلەر ءۇشىن تاريف ققس-سىز 28 تەڭگە/كۆت/ساع قۇرايتىن بولادى.
ال ءوز كەزەگىندە تۇتىنۋ كولەمىنە قاراي سارالانعان تاريفتەرگە توقتالساق:
ءبىرىنشى دەڭگەي-ققس-سىز 23,16 تەڭگە/كۆتساع;
ەكىنشى دەڭگەي-ققس-سىز 30,66 تەڭگە / كۆتساع;
ءۇشىنشى دەڭگەي-ققس-سىز 38,33 تەڭگە / كۆتساع.
جەكە شوتقا ورتاشا تۇتىنۋ 208 كۆتساع بولاتىن بولسا، ازاماتتار ورتاشا ەسەپپەن 506 تەڭگەگە ارتىق تولەيدى.
"ەلەكتر ەنەرگياسى تاريفتەرىنىڭ ديففەرەنتسياتسياسىن جويۋ جوباسى اياسىندا دەپارتامەنت 8,7% كورسەتكىشكە (ورتاشا جانە حالىققا ارنالعان تاريف اراسىنداعى الشاقتىق) قول جەتكىزدى", - دەپ اتاپ ءوتتى رەتتەۋ كوميتەتىنىڭ قالالىق دەپارتامەنتىنىڭ باسشىسى. ۇەم تابيعي مونوپوليالار باسقارماسى اسەل بۋدەنەەۆا.
"ادىرنا" ۇلتتىق پورتالى
