پرەمەر-مينيستر ولجاس بەكتەنوۆتىڭ ءباسپاسوز حاتشىسى بولىپ ديليارا الەنوۆا تاعايىندالدى، دەپ حابارلايدى "ادىرنا" ۇلتتىق پورتالى ۇكىمەتتىڭ ءباسپاسوز قىزمەتىنە سىلتەمە جاساپ.
ديليارا الەنوۆا ەڭبەك جولىن 2014 جىلى جۋرناليست بولىپ باستاعان. وسى جىلدار ىشىندە قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىندە، قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ اقپارات كوميتەتىندە، «قازكونتەنت» اق-دا قىزمەت ەتىپ، قر پرەمەر-ءمينيسترىنىڭ ءباسپاسوز قىزمەتىندە جۇمىس ىستەدى.
«الماتى قالاسىنىڭ وڭىرلىك كوممۋنيكاتسيالار قىزمەتى» كمم باسشىسى، الماتى قالاسى قوعامدىق دامۋ باسقارماسىنىڭ بايلانىس تاجىريبەسى ءبولىمىنىڭ باستىعى، الماتى قالاسى اكىمدىگىنىڭ ءباسپاسوز قىزمەتىنىڭ جەتەكشىسى قىزمەتتەرىن اتقارعان.
"ادىرنا" ۇلتتىق پورتالى
