قازاقستاندا ءموبيلدى قوسىمشالاردىڭ ۇزدىك ديزاينەرلەرى انىقتالدى

879
Adyrna.kz Telegram

24-25 اقپاندا وتكەن "Design Battle" حاكاتونى ونلاين جانە وفلاين فورماتتا ءوتتى. وعان قازاقستاننىڭ تۇكپىر-تۇكپىرىنەن 220-دان استام ديزاينەرلەر، ال ونلاين-ترانسلياتسيادا 150-دەن استام كورەرمەن قاتىستى.

ەلدىڭ ءار تۇكپىرىنەن كەلگەن ديزاينەرلەر ەكى باعىتتا ونەر كورسەتتى: UX/UI جانە گرافيكالىق ديزاين. ولار وزدەرىنىڭ شىعارماشىلىق ديزاينىن، سونىڭ ىشىندە لوگوتيپتەردى، تۇستەر پاليتراسىن جانە برەند ءستيلىنىڭ ەلەمەنتتەرىن، سونداي-اق سايت ديزاينى مەن ءموبيلدى قوسىمشانىڭ ديزاينىن ۇسىنىلدى.

ءىس-شارا حالىقارالىق IT ۋنيۆەرسيتەتىنىڭ اۋماعىندا "حاتۋ" اكتسيونەرلىك قوعامى، ء"سابي" قايىرىمدىلىق قورى جانە قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ قولداۋىمەن وتكىزىلدى.

حاكاتوننىڭ ءبىرىنشى كۇنى ەتنيكالىق ستيلدە، ايدەنتيكادا جانە ديزايننىڭ باسقا دا نەگىزگى اسپەكتىلەرىندە تاجىريبەسى مول ماماندار وتكىزگەن شەبەر ساعاتتارىنا ارنالدى.

حاكاتوننىڭ ەكىنشى كۇنىندە قاتىسۋشىلار جوبالارى بويىنشا قارقىندى جۇمىس جاسادى. ناتيجەسىندە "UX/UI" جانە "گرافيكالىق" باعىتتاعى 70 بىرەگەي جوبا ىرىكتەلىپ، كەڭەس راقىشەۆ، ء"سابي" قورىنىڭ پرەزيدەنتى اسەل تاسماعامبەتوۆا، حاتۋ ماماندارى جانە ديزاين سالاسىنداعى تاۋەلسىز ساراپشىلاردان قۇرالعان بىلىكتى قازىلار القاسىنا ۇسىنىلدى.

"UX/UI ديزاينى" باعىتى بويىنشا جەڭىمپازدار:

1 ورىن-مۇقاشەۆا ديلناز

2 ورىن-ماحماتوۆ رۋسلان

3 ورىن – رايىمقۇلوۆا ارۋجان

"گرافيكالىق ديزاين" باعىتى بويىنشا جەڭىمپازدار:

1 ورىن-بۇلحايىر قاسىمحان

2 ورىن – تىركەسباەۆ يسلام

3 ورىن-مۋپتەكەەۆ ۇلان

- "Design Battle" حاكاتونىنىڭ قاتىسۋشىلارى ءىس-شارا تۋرالى اسەرلەرىن ءبىلدىرىپ، ونى كاسىبي ءوسۋ مەن تاجىريبە الماسۋدىڭ ماڭىزدى الاڭى رەتىندە اتاپ ءوتتى.

حاكاتوننىڭ جالپى جۇلدە قورى 2 ميلليون تەڭگەنى قۇرادى. ءار باعىت بويىنشا جۇلدەگەر كوماندالار ءبىرىنشى ورىن ءۇشىن 500 000 تەڭگە، ەكىنشى ورىن - 300 000 تەڭگە جانە ءۇشىنشى ورىن - 200 000 تەڭگە سوماسىنا سەرتيفيكاتتارمەن ماراپاتتالدى.

سونىمەن قاتار، بىرنەشە قاتىسۋشى كەڭەس راقىشەۆ جوباسىندا قازاق ءتىلىن ۇيرەنۋگە ارنالعان بىرەگەي قوسىمشانى قۇرۋ بويىنشا جۇمىس تۋرالى ۇسىنىستار الدى. جەڭىمپازداردى ماراپاتتاۋعا كەڭەس راكيشەۆتىڭ ءوزى، قازاقستاننىڭ سۋرەتشىسى ماريا يلنيتسكايا، سونداي - اق Vexel ديزاين اگەنتتىگىنىڭ نەگىزىن قالاۋشىcى باۋىرجان ابدۋكاديروۆ قاتىستى. قازاقستاندىق ديزاين-قوعامداستىقتا ءبىرىنشى رەت وتكىزىلگەن "Design Battle" حاكاتونى شىعارماشىلىق يندۋستريانى دامىتۋدا ماڭىزدى ۇلەسىن قوستى. كونكۋرستىڭ ساراپتامالىق قازىلار القاسىنا ۆەنچۋرلىك ينۆەستور كەڭەس راقىشەۆ، ء"سابي" قورىنىڭ پرەزيدەنتى اسەل تاسماعامبەتوۆا، حالىقارالىق اقپاراتتىق تەحنولوگيالار ۋنيۆەرسيتەتىنىڭ ماماندارى، سونداي-اق ديزاين سالاسىنداعى تاۋەلسىز ساراپشىلار كىردى.

 

 

پىكىرلەر