پالەستينا ۇكىمەتى وتستاۆكاعا كەتتى، دەپ حابارلايدى "ادىرنا" ءتىلشىسى.
پالەستينانىڭ پرەمەر-ءمينيسترى موحامماد شتايە ءوز ۇكىمەتىنىڭ ەل اۋماعىنداعى زورلىق-زومبىلىق پەن گازا سەكتورىنداعى سوعىستىڭ كۇشەيۋىنە بايلانىستى وتستاۆكاعا كەتەتىنىن حابارلادى.
"وستاۆكاعا كەتۋ شەشىمى باتىس جاعالاۋ مەن يەرۋساليمدەگى جاعدايدىڭ بۇرىن-سوڭدى بولماعان شيەلەنىسۋى، سونداي-اق گازا سەكتورىنداعى سوعىس، گەنوتسيد جانە اشارشىلىققا بايلانىستى قابىلداندى", - دەلىندى ۇكىمەت وتىرىسىندا.
مۇحاممەد شتايا پالەستينا ۇكىمەتىن "اكىمشىلىك قۇرالداردىڭ بىرىنە" اينالدىرۋ ارەكەتتەرى قولايسىز دەپ سانايتىنىن اتاپ ءوتتى. ونىڭ پىكىرىنشە، ول باسقارعان مينيسترلەر كابينەتى جۇمىس بارىسىندا "ازاماتتاردىڭ تالاپتارى مەن پالەستينا حالقىنىڭ قۇقىقتارىن قورعاۋ اراسىنداعى تەپە-تەڭدىككە قول جەتكىزگەن".
شتايەنىڭ مالىمدەمەسىندە اقش-تىڭ ماحمۋد ابباس تاراپىنا پالەستينا بيلىگىن جاڭارتىپ، سوعىستان كەيىن پالەستينا مەملەكەتىن باسقارا الاتىن ساياسي قۇرىلىمى بويىنشا قىسىمى كۇشەيگەنى ايتىلدى.
