بەلارۋس باسشىسى الەكساندر لۋكاشەنكونىڭ 2025 جىلى وتەتىن پرەزيدەنتتىك سايلاۋعا تۇسەتىنى بەلگىلى بولدى، دەپ حابارلايدى “ادىرنا” ۇلتتىق پورتالى DW سايتىنا سىلتەمە جاساپ.
پرەزيدەنت دەپۋتاتتار سايلاۋىندا داۋىس بەرگەننەن كەيىن، جۋرناليستەردىڭ سۇراعىنا جاۋاپ رەتىندە ءوزىنىڭ پرەزيدەنت سايلاۋىنا قاتىساتىنىن اشىپ ايتتى.
"ولارعا مەنىڭ سايلاۋعا قاتىساتىنىمدى جەتكىزىڭىزدەر", - دەپ لۋكاشەنكو مالىمدەمە جاسادى.
ايتا كەتەيىك، لۋكاشەنكو بەلارۋس بيلىگىن 30 جىلعا جۋىق ۋاقىت باسقاردى. ال كەلەسى جىلدىڭ شىلدە ايىندا بەلارۋستە پرەزيدەنتتىك سايلاۋ وتەدى.
“ادىرنا” ۇلتتىق پورتالى
