قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ قىتايدىڭ قازاقستانداعى ەلشىسى چجان سياونى قابىلدادى، دەپ حابارلايدى “ادىرنا” ۇلتتىق پورتالى.
سونداي-اق، اعىمداعى جىلى جوسپارلانعان اسا جوعارى جانە جوعارى دەڭگەيدەگى ەكىجاقتى ساپارلار مەن ءىس-شارالار كەستەسىن قاراستىردى. كوپجاقتى قۇرىلىمدار شەڭبەرىندەگى ەلدەردىڭ ءوزارا ءىس-قيمىلىنا بولەك نازار اۋدارىلدى.
مينيستر ساۋدا-ەكونوميكالىق بايلانىستاردى ارتتىرۋ بويىنشا بىرلەسكەن كۇش-جىگەرگە ەرەكشە نازار اۋداردى. اتاپ ايتقاندا، ەكى ەل اراسىنداعى ترانزيت-كولىكتىك ىنتىماقتاستىقتى دامىتۋدىڭ جانە قازاقستاننىڭ قىتايعا شيكىزاتتىق ەمەس ەكسپورتىن ارتتىرۋدىڭ ماڭىزدى ءرولى اتالىپ ءوتتى.
ال قىتاي ەلشىسى كوتەرىلگەن ماسەلەلەردىڭ ماڭىزدىلىعىن ايتىپ، قىتايلىق تاراپتىڭ اتالعان سۇراقتار بويىنشا بەلسەندى ءوزارا ىقپالداسۋعا دايىن ەكەنىن ءبىلدىردى. ول قىتايدىڭ قازاقستانداعى ەلشىلىگى اعىمداعى جىلى جوسپارلانعان ءىس-شارالاردى ويداعىداي ۇيىمداستىرۋ ماقساتىندا تىعىز ارەكەتتەسۋدى جالعاستىراتىنىن حابارلادى.
