Oqý-aǵartý mınıstri Ǵanı Beısembaev bilim salasyndaǵy jemqorlyqqa qatysty pikir bildirdi, dep habarlaıdy "Adyrna" ulttyq portaly.
Úkimet otyrysynan keıin jýrnalıster mınıstrge «Sońǵy kezderi Almaty nemese Túrkistan oblystandaǵy bilim basqarmasy nemese bilim bóliminiń basshylary júzdegen mıllıon teńgeniń jemqorlyǵy boıynsha ustalyp jatyr. Tipti olardyń ishinde óz ózine qol jumsaǵan adamdar bar. Osy dúnıe sizdi alańdatpaı ma? Bilim salasyndaǵy jemqorlyq balalarǵa sapaly bilim berýge kedergi keltirmeı me? Bul máselede ózińizdi aıyptymyn dep eseptemeısiz be?» dep suraq qoıdy.
"Jalpy sizge belgili oqý-aǵartý menen jemqorlyq sáıkes kelmeıtin uǵymdar. Sondyqtan da byltyr biz sybaılas jemqorlyq agenttigimen birlese otyryp osy saldaǵy máselelerdi tolyqqandy zertteýge kiristik. Sol baǵytta jol kartasy ázirlendi, men birneshe ret mektep jáne bilim basqarmasy men bilim bóliminiń basshylarymenen kóptegen kezdesý, semınarlar ótkizdik. Sondyqtan da qazir kóp anyqtalyp jatqan jaǵdaılar ıaǵnı, 2020 jyldan bastap jiberilgen qatelikter shyǵyp jatyr. Bul bizdiń birlesken jumysymyz. Jalpy bul salada jemqorlyq atymen bolmaýy tıis, tazalyq bolýy kerek. Sondyqtan bul baǵytta biz barlyǵymyz birlesken jumys jasaýymyz kerek", – dedi mınıstr.
Ashat Aımaǵambetov 2019 jyldyń 13 maýsym kúni Bilim jáne ǵylymı mınıstri bolyp taǵaıyndaldy. Demek Ǵanı Beısembaev «2020 jyldan bastap jiberilgen qatelikter shyǵyp jatyr» dep Ashat Aımaǵambetovty aıyptaǵandaı boldy.
