باۋىرجان سەرىكباەۆ: ء"بىر-ءبىرىمىزدى ورتەپ جىبەرەر مە ەكەنبىز، قايتەمىز؟!"

ارىستاعى جاعدايعا قاتىستى قازىرگى ۋاقىتتا جىك-جىككە ءبولىنىپ، وتكەن-كەتكەندى قازبالاپ، ءبىر-بىرىنەن استار ىزدەپ وتىرعان ءبىزدىڭ بۇگىنگى ارەكەتىمىز ءالى ساياسي سانا مەن دەڭگەيدىڭ ءوسۋىن قاجەت ەتەتىن، قازاقستاندىق قۇندىلىقتاردىڭ ءپىسىپ-جەتىلمەگەنىنىڭ كورىنىسى مە دەگەن ويعا جەتەلەيدى.

جارىلىس بولىپ جاتىر. حالىق دالادا، بالا-شاعا قالادا اتا-اناسىنان اجىراپ ءار جەردە ءجۇر. ءدال وسىنداي ساتتە باسقانىڭ ءبارىن قويا تۇرىپ ۇكىمەتى بار، xالقى بار، زيالىسى بار تۇتاس قازاقستان بىرىگىپ، ويىمىز ءبىر جەردەن شىعىپ، بۇكىل قوعام بىرىگىپ ءبىر دەممەن وتىرار ۇلتتىق يممۋنيتەت بىزدە بولۋى كەرەك. بۇل جاعى بىزدە اقساپ جاتىر. ءدال قازىرگى ءبىزدىڭ پسيxولوگيا "جاماندادىڭ با دو كونتسا جاماندا، قانداي جاعداي ەكەنى ماڭىزدى ەمەس، ءبىر تۇيرەپ ءوت" دەگەنگە كەلەدى. ماقتادىڭ با قانداي جاعداي بولماسىن دو كونتسا ماقتاۋ كەرەك. ەل بولامىز دەسەك ءبىز پىكىرتالاستىراتىن جەردە وي جارىستىرىپ، ەل بولىپ بىرىگەتىن جەردە ءبىر دەممەن بىرىگە دە ءبىلۋدى ۇيرەنۋىمىز قاجەت.

ءدال وسى ارىستا بولىپ جاتقان جاعدايدا ۇكىمەتتىڭ دە جۇمىسىن سوكپەي، ءوزارا كوماندا نە پارتيا بولىپ جىك-جىككە ءبولىنىپ داۋلاسپاي، جاعداي تۇراقتانعانشا ءبىر ۇلت، ءبىر قوعام بولۋىمىز قاجەت. ەرتەڭ xالىقتىڭ جاعدايى قاۋىپسىز بولعاننان كەيىن، ارىستاعى اxۋال تۇراقتانعاننان كەيىن تالقىلايمىز قالعان ماسەلەمىزدى. ەرتەڭ دە كۇن بار. قانداي بولساق تا ءبىز ءبىر قوعام، ءبىر ەلمىز. تۇتاسىپ، بىرىگەتىن جەرىمىز بەن داۋلاسىپ پىكىرتالاستىرار نۇكتەمىزدى اجىراتا الار قۇندىلىقتاردى قالىپتاستىرا ءبىلۋىمىز قاجەت. مىنا تۇرىمىزبەن كەتە بەرسەك ءبولىنۋ، جىك-جىككە بولشەكتەنۋ ۋاقىت وتە كەلە بويىمىزعا ابدەن ءسىڭىپ ءبىر-ءبىرىمىزدى ورتەپ جەبەرەر مە ەكەنبىز قايتەمىز؟!

ءاي، اعايىن قارا xالىق ىنتىماق كورسەتتى، ۇكىمەت داۋرىعىپ كەتتى، دەموكراتياعا بەتتەيىك دەيتىن ورىن وسى تۇس ەمەس-اۋ. پرەزيدەنت تە سوندا ءجۇر. اسكەر دە سوندا كومەكتە. قازىرگى ءبىزدىڭ تاقىرىپ قالاي كومەكتەسەمىز دەگەن باستى سۇراقتا بولۋى ءتيىس.