گازا سەكتورىنىڭ وڭتۇستىگىندەگى رافاح قالاسىنداعى ءباا پەرزەنتحاناسىنا كەلگەن جۇكتى ايەلدەر مەن جاڭا تۋعان بالالار قيىن جاعدايدا، ال ينكۋباتورلارداعى سابيلەردىڭ كوپشىلىگى جەتىم قالدى، دەپ حابارلايدى “ادىرنا” ۇلتتىق پورتالى “انادولۋ” اقپارات اگەنتتىگىنە سىلتەمە جاساپ.
بۇۇ-نىڭ "UN News Arab" سايتى بۇۇ قورىنىڭ پەرزەنتحاناسىنا بارعاننان كەيىن وسىنداي تۇجىرىمدار جاسادى.
“گازا سەكتورىنداعى سوڭعى پەرزەنتحانالاردىڭ ءبىرى ءباا پەرزەنتحاناسىنداعى جاعداي ءماز ەمەس. جۇكتى ايەلدەر شابۋىلدان، بومبالاۋدان، اۋرۋدان، اشتىق پەن شولدەۋدەن ولمەسە دە، بوسانۋ كەزىندە ءولىپ كەتۋى مۇمكىن”، - دەلىنگەن حابارلامادا.
سونداي-اق بۇۇ حابارلاماسىندا جۇكتى ايەلدەردىڭ كوپشىلىگى 7-8 ايلاردا قورقىنىش پەن مازاسىزدىققا بايلانىستى مەرزىمىنەن بۇرىن بوساناتىنى اتاپ ءوتىلىپ، جاڭا تۋعان نارەستەلەردە جۇقپالى اۋرۋلاردى جۇقتىرۋ نەمەسە اسقىنۋ قاۋپى بار بولعاندىقتان شەتىنەپ جاتقاندىعى ايتىلعان.
“قازىردە اۋرۋحانانىڭ 20 ينكۋباتورىندا 77 جاڭا تۋعان نارەستە بار، بۇل ولاردىڭ ومىرىنە قاۋىپ توندىرەدى. ينكۋباتورلارداعى سابيلەردىڭ كوپشىلىگى جەتىم قالدى، ويتكەنى ولاردىڭ اتا-انالارى قايتىس بولدى نەمەسە جوعالىپ كەتتى", - دەپ قوستى بۇۇ.
“ادىرنا” ۇلتتىق پورتالى
