Gaza sektorynyń ońtústigindegi Rafah qalasyndaǵy BAÁ perzenthanasyna kelgen júkti áıelder men jańa týǵan balalar qıyn jaǵdaıda, al ınkýbatorlardaǵy sábılerdiń kópshiligi jetim qaldy, dep habarlaıdy “Adyrna” ulttyq portaly “Anadolý” aqparat agenttigine silteme jasap.
BUU-nyń "UN News Arab" saıty BUU qorynyń perzenthanasyna barǵannan keıin osyndaı tujyrymdar jasady.
“Gaza sektoryndaǵy sońǵy perzenthanalardyń biri BAÁ perzenthanasyndaǵy jaǵdaı máz emes. Júkti áıelder shabýyldan, bombalaýdan, aýrýdan, ashtyq pen shóldeýden ólmese de, bosaný kezinde ólip ketýi múmkin”, - delingen habarlamada.
Sondaı-aq BUU habarlamasynda júkti áıelderdiń kópshiligi 7-8 aılarda qorqynysh pen mazasyzdyqqa baılanysty merziminen buryn bosanatyny atap ótilip, jańa týǵan nárestelerde juqpaly aýrýlardy juqtyrý nemese asqyný qaýpi bar bolǵandyqtan shetinep jatqandyǵy aıtylǵan.
“Qazirde aýrýhananyń 20 ınkýbatorynda 77 jańa týǵan náreste bar, bul olardyń ómirine qaýip tóndiredi. Inkýbatorlardaǵy sábılerdiń kópshiligi jetim qaldy, óıtkeni olardyń ata-analary qaıtys boldy nemese joǵalyp ketti", - dep qosty BUU.
“Adyrna” ulttyq portaly
