مەملەكەت باسشىسى ارىستاعى وقيعانى ەستىگەن بويدا كەشقۇرىم ارىسقا بارىپ، حالىقتىڭ جاعدايىن ءبىلىپ قايتتى. بۇل حالىقتى ارينە، قۋانتپاي قويمادى. سەبەبى، قارا حالىق پرەزيدەنتتەن بۇندايدى كۇتپەپ ەدى. تىپتەن قاراپايىم كيىممەن بارىپ، ءار حالىقتىڭ شاعىمىن، مۇڭ-مۇقتاجىن تىڭداپ، باسۋ ايتىپ، ءوز ۋادەسىن بەردى. بۇنى دا ءبىر ەرلىك دەسەك ارتىق ايتقانىمىز ەمەس-اۋ، ءسىرا؟!
پرەزيدەنت قالانى اينالىپ شىعۋ بارىسىندا قاسىم-جومارت توقاەۆ وق-ءدارى قويماسىنداعى جارىلىس سالدارىنان قاتتى قيراعان تۇرعىن ۇيلەر مەن اكىمشىلىك نىساندارىن ارالاپ كوردى.
قازاقستان پرەزيدەنتىنە ەۆاكۋاتسيا جۇمىستارىنىڭ بارىسى جانە جارىلىس وشاقتارىن توقتاتىپ، ءورتتى ءسوندىرۋ جونىندە مالىمەت بەرىلدى.
مەملەكەت باسشىسى ىشكى ىستەر ورگاندارىنىڭ، قورعانىس مينيسترلىگىنىڭ، جەرگىلىكتى اتقارۋ ورگاندارىنىڭ قىزمەتكەرلەرىنە ريزاشىلىق ءبىلدىردى. قاسىم-جومارت توقاەۆ ءبىر كۇننىڭ ىشىندە وتە اۋقىمدى جۇمىس اتقارىلعانىن ايتتى جانە جۇمىستاردىڭ وسى قارقىنىن باسەڭدەتپەي، جالعاستىرا بەرۋدى تاپسىردى.
"ادىرنا" ۇلتتىق پورتالى
