Qazaqstanda benzın men dızeldi satý boıynsha shekti baǵa qoıý jónindegi buıryqqa ózgeris engizildi. Bul týraly Energetıka mınıstrligi «Ashyq NQA» portalynda buıryq jobasyn jarııalady, dep habarlaıdy “Adyrna” ulttyq portaly.
«Baǵalaryna memlekettik retteý belgilengen staıonarlyq avto janar-jaǵar maı quıý stanııalary úshin bólshek saýdada ótkiziletin munaı ónimderine shekti baǵalardy belgileý týraly» Qazaqstan Respýblıkasy Energetıka mınıstriniń 2015 jylǵy 19 mamyrdaǵy № 361 buıryǵyna (Normatıvtik quqyqtyq aktilerdi memlekettik tirkeý tiziliminde № 11165 bolyp tirkelgen) mynadaı ózgeris engizilsin», delingen buıryqta.
Buıryq boıynsha:
Aı-80 markaly benzın – 1 lıtr úshin 89 teńge;
Aı-92 jáne Aı-93 markaly benzın – 1 lıtr úshin 205 teńge;
Dızel otyny (jazǵy, maýsymaralyq) – 1 lıtr úshin 295 teńge kóliminen asyrmaý usynyldy.
Mınıstrlik buıryq jobasyn 28 aqpanǵa deıin qoǵamdyq talqylaýda bolatynyn málimdedi.
