«اقشىڭ» بازارىنداعى ورتتەن زارداپ شەككەندەرگە جاڭا ساۋدا ورىندارى بەرىلەتىن بولدى، دەپ حابارلايدى "ادىرنا" ءتىلشىسى.
سەمەيدە ورتەنگەن بازاردىڭ «اقشىڭ» باستاماشىل كاسىپكەرلەر توبى وبلىس اكىمىمەن كەزدەسىپ، جاعدايدى ايتتى.
جەرگىلىكتى بيلىك تاۋارلارى مەن ساۋدا ورىندارىنان ايىرىلعان ساۋداگەرلەرگە جەڭىلدەتىلگەن نەسيە بەرەتىنىن ايتتى.
وبلىس اكىمى نۇرلان ۇرانحاەۆ زارداپ شەككەندەرمەن بىرگە انىقتامالاردى الۋ، سۋبسيديالاۋ، جالعا الۋ جانە الەۋمەتتىك قورعاۋ ماسەلەلەرىن تالقىلادى.
مەن بۇل ماسەلەمەن قاجەتىنشە اينالىسامىن. بۇگىنگى تاڭدا پوليتسيا بولىمىنە 296 ءوتىنىش جىبەرىلدى، ءبىز بارلىق وتىنىشتەردى قاراستىرامىز. مەملەكەت تاراپىنان قاجەتتى كومەك كورسەتىلەدى. بۇل پروتسەسكە بارلىق قۇزىرلى ورگاندار جۇمىلدىرىلعان»، - دەدى اكىم ۇرانحاەۆ.
وبلىس اكىمدىگىنىڭ حابارلاۋىنشا، ورتتەن زارداپ شەككەن 35 جاسقا دەيىنگى كاسىپكەرلەرگە 2,5 پايىزبەن 5 ميلليون تەڭگەگە دەيىن جەڭىلدەتىلگەن نەسيە بەرۋ باعدارلاماسى قاراستىرىلعان.
ال جەرگىلىكتى ۋنيۆەرسيتەت اكىمشىلىگى ورتتەن زارداپ شەككەن وتباسىنىڭ بالالارىنا التى ايعا دەيىن وقۋ اقىسىنا جەڭىلدىكتەر جاسايدى. اكىم جاعدايدى جەكە باقىلاۋعا العانىن ايتتى
"2024 جىلدىڭ ءۇشىنشى توقسانىندا كوممۋنالدىق ازىق-تۇلىك ساتاتىن بازار قۇرىلىسى قاراستىرىلۋدا، وندا بيزنەس وكىلدەرى ءۇشىن دە جاڭا جۇمىس ورىندارى اشىلادى", - دەدى ۇرانحاەۆ.
