الماتىدا لاي باسىپ قالعان ءۇيىندى استىنان ءبىر ادامنىڭ دەنەسى تابىلدى. ساعات 10:00-دەگى اقپارات بويىنشا الماتىدا لاي كوشكىنى بولعان جەردە جەدەل شتاب قۇرىلدى، دەپ حابارلايدى “ادىرنا” ۇلتتىق پورتالى.
قۇتقارۋشىلار وسى ۇيدە تۇراتىن ايەل مەن ەر ادامدى، سونداي-اق بۇگىن ساباققا كەلمەگەن بالانى ىزدەستىرىپ جاتىر.
182 مامان مەن 32 تەحنيكا جۇمىلدىرىلدى. جەدەل مەديتسينالىق جاردەم بريگادالارى جۇمىس ىستەۋدە. لاي باسىپ قالعان ۇيدە تۇراتىن ادامداردىڭ تۋىستارى مەن كورشىلەرىنە شۇعىل پسيحولوگيالىق كومەك كورسەتىلدى.
ىزدەۋ-قۇتقارۋ جۇمىستارى جالعاسۋدا. ىزدەۋ جۇمىستارىنا يتتەر دە تارتىلدى.
ەسكە سالا كەتەيىك، 8 اقپاندا مەدەۋ اۋدانىنىڭ "تاۋ سامالى" شاعىن اۋدانىنداعى وليمپيسكي كوشەسى بويىندا تەحنوگەندىك سيپاتتاعى توپىراقتىڭ باتپاقتانۋى سالدارىنان لاي كوشكىنى بولدى.
