سەمەيدە الاشورداشى، ستاليندىك قۋعىن-سۇرگىننىڭ قۇربانى بولعان مۇحامەدحان سەيىتقۇلعا قاتىستى قۇندى قۇجات تابىلدى، دەپ حابارلايدى "ادىرنا" ۇلتتىق پورتالى 24KZ - كە سىلتەپ.
اتالمىش قۇجاتتى تاپقان اباي وبلىستىق مەملەكەتتىك ءارحيۆىنىڭ قىزمەتكەرى - لاۋرا قادىروۆا. بۇعان دەيىن ول شاكارىم قۇدايبەردىۇلىنىڭ بۇرىن-سوڭدى ەشقايدا جاريالانباعان فوتوسىن تاپقان بولاتىن. بۇل جولى مامان ابايتانۋشى عالىم قايىم مۇحامەدحانوۆتىڭ اناسى ماقىپجامال سەيىتقۇلوۆانىڭ پروكۋراتۋراعا جازعان حاتىن انىقتادى.
"ارينە، ءوزىنىڭ جۇبايى مۇحامەدحان سەيىتقۇلوۆتى جازىقسىز 37 جىلى نكۆد ازاماتتارى تۇتقىنعا الىپ كەتكەن ەكەن. وسى جونىندە نە ءۇشىن ول كىسىنى تۇتقىنعا الدىڭىزدار، ول جازىقسىز ادام ەدى دەگەندەي جاڭاعى ءوتىنىش حاتىن بىلدىرگەن ەكەن. بۇل حاتتىڭ وتە قۇندىلىعى قايىمداي ۇلى پەرزەنتتى دۇنيەگە اكەلگەن ماقىپجامال اپامىزدىڭ جازعان جالعىز عانا حاتى ەكەن. مۇنداي ءوز قولىمەن جازعان حات ۇرپاقتارىنىڭ قولىندا جوق" دەدى لاۋرا قادىروۆا.
ەسكە سالا كەتەىك، بۇعان دەيىن لاۋرا قادىروۆا الاش ارداقتىسى ءاليحان بوكەيحاننىڭ 1919 جىلى ءوز قولىمەن جازعان ءوتىنىشىن جۇرتشىلىققا جاريالاعان بولاتىن.
