استانالىق شاباندوز مارەگە 6 شاقىرىم قالعاندا اپاتقا ۇشىرادى، دەپ حابارلايدى “ادىرنا” ۇلتتىق پورتالى.
بۇل تۋرالى kris.p.media تەلاگرام-ارناسى مالىمدەدى.
Astana Qazaqstan Team شاباندوزى حەنوك مۋليۋبىرحان ساۋد ارابياسىندا ءوتىپ جاتقان Al-Ula Tour كوپكۇندىگىنىڭ ءتورتىنشى كەزەڭىندە اپاتقا ۇشىرادى.
اپات مارەگە 6 شاقىرىم قالعاندا بولعان. وكىنىشكە قاراي، ول بۇعانا سۇيەگىنىڭ سىنۋىنان كۇدىكتەنىپ، جارىستان باس تارتۋعا ءماجبۇر بولدى. كەيىنىرەك سول جاق سۇيەگىنىڭ سىنعانى راستالدى، بىراق سپورتشى ءوزىن جاقسى سەزىنەتىنىن جانە باسقا جاراقاتتار تابىلماعانىن حابارلادى.
ەسكە سالايىق، حەنوك مۋليۋبىرحان ساۋد ارابياسىندا وتكەن Al-Ula Tour ەكىنشى كەزەڭىندە ەكىنشى ورىن الىپ، Astana Qazaqstan Team كومانداسىنا ءبىرىنشى جۇلدەنى اكەلدى.
“ادىرنا” ۇلتتىق پورتالى
