الماتىدا Satbayev University-ءنىڭ باس وقۋ عيماراتىنان ءتۇتىن شىعىپ، ستۋدەنتتەر ەۆاكۋاتسيالاندى. وقۋ ورنىنان ءتۇتىن شىققان بەينە روليك الەۋمەتتىك جەلىلەردە تارادى، دەپ حابارلايدى “ادىرنا” ۇلتتىق پورتالى.
بەلگىلى بولعانداي، عيماراتتىڭ جىلۋ جەلىسىنەن اقاۋ شىققان جانە قاباتتاردىڭ بىرىندە جوندەۋ جۇمىستارى جۇرگىزىلىپ جاتقان.
«جوندەۋشىلەردىڭ ءبىرى بولگاركا قۇرالىمەن جۇمىس ىستەپ جاتقان ساتتە ودان شىققان ۇشقىن شۇبەرەك زاتقا ءتۇسىپ، ول بىرتىندەپ تۇتىندەپ، ءيىسى شىعا باستاعان. شۇبەرەك زات ءورت ءسوندىرۋدىڭ بارلىق ەرەجەسىنە سايكەس جويىلدى. ەشقانداي ءورت شىققان جوق، بىراق دابىل ويناعان سوڭ، سول قاباتتاعى ادامدار سىرتقا ەۆاكۋاتسيالاندى. زارداپ شەككەندەر جوق»، - دەپ حابارلادى جوو ءباسپاسوز قىزمەتى.
