جامبىل وبلىسىندا بىرنەشە كولىك سوقتىعىسقان جول كولىك وقيعاسى سالدارىنان 25 ادام زارداپ شەكتى، دەپ حابارلايدى "ادىرنا" ۇلتتىق پورتالى.
"31 قاڭتار كۇنى ساعات 10.47 – دە جۋالى اۋدانى نۇرلىكەنت اۋىلىنىڭ ماڭىندا "باتىس ەۋروپا-باتىس قىتاي" رەسپۋبليكالىق ماڭىزى بار اۆتوجولىنىڭ 567 شاقىرىمىندا اۋا رايىنىڭ قولايسىزدىعىنا بايلانىستى (كوكتايعاق، جول كورىنىسىنىڭ ناشارلاۋى، بوران) 26 اۆتوكولىكتىڭ ء(تورت جولاۋشىلار اۆتوبۋسى، ءتورت جۇك اۆتوماشيناسى جانە جەڭىل اۆتوموبيلدەر) قاتىسۋىمەن جول-كولىك وقيعاسى ورىن الدى. وقيعا سالدارىنان قازا تاپقاندار جوق. ب. مومىشۇلى اۋىلىنىڭ ورتالىق اۋداندىق اۋرۋحاناسىنا 25 ادام جەتكىزىلدى",-دەپ حابارلادى جامبىل وبلىسى پوليتسيا دەپارتامەنتىنىڭ (پد) ءباسپاسوز قىزمەتى.
دەرەكتەرگە سۇيەنسەك، زارداپ شەككەن 25 ادامنىڭ تورتەۋى رەانيماتسيادا، ولاردىڭ اراسىندا بالالار دا بار.
"تارازدىڭ 593-534 كم-گە دەيىنگى اۆتوجولى ەكى باعىتتا دا جابىق. وقيعا ورنىندا پوليتسيا قىزمەتكەرلەرى جۇمىس ىستەۋدە، وقيعانىڭ ەگجەي-تەگجەيلەرى انىقتالادى. جامبىل وبلىسىنىڭ پد جول قوزعالىسى ەرەجەلەرىن قاتاڭ ساقتاۋ قاجەتتىگىن ەسكە سالادى، اسىرەسە اۋا رايى قولايسىز بولعان جاعدايدا جۇرگىزۋشىلەردى ساق بولۋعا شاقىردى", - دەپ تولىقتىردى پوليتسيا قىزمەتكەرلەرى.
