«اق جول» فراكتسياسى سالىقشىلارعا «ەكونوميكالىق ساۋاتتاندىرۋدى» ەنگىزۋدى ۇسىندى – بۇل تۋرالى ەكاتەرينا نيكيتينسكايا ءوزىنىڭ پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءاليحان سمايىلوۆقا جولداعان دەپۋتاتتىق ساۋالىندا حابارلادى.
سالىق ورگاندارىنىڭ زاڭنامالىق نورمالاردى ءبىرتۇرلى ەرەكشە پايىمداۋىنا بايلانىستى «اق جول» پارتياسىنا بىرقاتار كاسىپورىن جۇگىندى. مىسالى، قوستاناي وبلىسىنىڭ مەملەكەتتىك كىرىستەر دەپارتامەنتى ەكى كاسىپورىنعا 2014-2016 جج. ارالىعىنداعى بەيرەزيدەنتتەن تۇسكەن ۆاليۋتالىق قارىز وتەمىنە بايلانىستى الدىن الا تولەم جانە قوسىمشا قۇن سالىعىن تولەۋ جونىندە تالاپ قويعان.
دەپۋتاتتىڭ ايتۋىنشا، بۇل وتاندىق فيسكالداردىڭ كەزەكتى جاڭالىعى.
قاشاننان بەرى، قانداي نورماتيۆتىك قۇجاتتارعا جانە ەكونوميكالىق نەگىزدەرگە سايكەس قوستانايلىق سالىقشىلار نەسيە تولەمدەرىنە قوسىمشا قۇن سالىعى سالىنۋى ءتيىس دەپ ەسەپتەيدى؟ الدە ولار نە اقىلعا قونىمسىز، نە ەكونوميكالىق تاجىريبەگە باعىنبايتىن ءوز فيسكالدى ساياساتىن جۇرگىزىپ ءجۇر مە؟
حالىقارالىق ەكونوميكادا تولەمدىك جانە قايتارىمدىق شارتىنداعى قارىز وپەراتسيالارىنا جانە ولاردىڭ سىياقىلارىنا قوسىمشا قۇن سالىعى سالىنبايدى. اتالمىش تولەمدەردە قوسىمشا قۇن قاراستىرىلماعاندىقتان, سالىق تولەمىنىڭ وبەكتىسى جوق.
سونىمەن قاتار، قارجىلىق ەسەپتەردىڭ حالىقارالىق ستاندارتتارىنا سايكەس قارىز قاراجاتىنا تولەنەتىن سىياقى وندىرىلەتىن پرودۋكتسيانىڭ وزىندىك قۇنىنا كىرەدى. قارىز الۋشىنىڭ تاۋارى نەمەس قىزمەتىنىڭ قۇنىندا قوسىمشا قۇن سالىعى كىرىپ تۇر. قارىز سىياقىسىنا قوسىمشا قۇن سالىعىن جەكە ەنگىزۋ – سالىق تولەۋشىنىڭ ءبىر شىعىنعا ەكى رەت سالىق تولەۋى. بۇل ءوز كەزەگىندە كەز كەلگەن سالىق جۇيەسى قۇرىلىمىنىڭ نەگىزگى قاعيداتى – ەكى رەتتىك سالىق تولەۋ قاعيداتىنا قايشى كەلەدى.
قازىرگى قر سالىق كودەكسىنە سايكەس (394 بابى، 16 تارماق) تولەمدىك جانە قايتارىمدىق شارتىنداعى قارىز وپەراتسيالارى جانە ولاردىڭ سىياقىلارى قوسىمشا قۇن سالىعىنان بوساتىلعان. تولەمدىك، شۇعىلدىق، قايتارىمدىق شارتتاعى قارىز وپەراتسيالاردى جۇزەگە اسىرۋ اينالىمدارى قوسىمشا قۇن سالىعىنان بوساتىلعانى تۋرالى قر قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ەكى رەسمي حاتىندا دا (2018 جىلدىڭ 18 ماۋسىمى مەن 27 تامىزىنان، №503874 جانە №513021) كورسەتىلگەن.
«سالىق ورگاندارىنىڭ بۇل ارەكەتىن، اتالمىش نورمانىڭ سالىقتىق زاڭنامادا تەك 2017 جىلى پايدا بولعانىمەن تۇسىندىرۋگە بولاتىن شىعار. بىراق وتاندىق زاڭنامادا اتالمىش نورمانىڭ بولماۋى 2017 جىلعا دەيىنگى وبەكتيۆتى ەكونوميكالىق زاڭداردىڭ قۇزىرەتىن الىپ تاستاي المايدى. كەرىسىنشە، سالىق كودەكسىندەگى اتالمىش نورما كاسىپكەرلەردى قورعاۋ ءۇشىن جانە، سوعان قاراعاندا، ەكونوميكالىق قاتىناستاردان حابارى جوق فيسكالدى ورگانداردىڭ قىزمەتكەرلەردىڭ كوبەيۋىنە بايلانىستى ەنگىزىلگەن»، - دەدى نيكيتينسكايا. سونداي-اق، ول سونىمەن قاتار سالىق زاڭناماسىندا تۇسىنىكسىز جانە رەتتەلمەگەن ماسەلەلەردىڭ بارلىعى سالىق تولەۋشىنىڭ پايداسىنا قاراي تۇسىندىرەتىن سالىق تولەۋشىنىڭ ادالدىق ءپرينتسيپىنىڭ دە پايدا بولعانىن دا اتاپ ءوتتى.
«ويتپەگەندە، فيسكالداردىڭ قۇقىقتى دا، ەكونوميكالىق زاڭداردى دا ەلەمەيتىن «تاپقىشتىعىنىڭ» ارقاسىندا بيزنەسپەن اينالىساتىن ادامداردى تابا الماي قالامىز. وكىنىشكە قاراي، شەنەۋنىكتەردىڭ، اسىرەسە جەمقورلىق قاۋپى جوعارى سالاسىنداعى، كاسىبيلىگى مەن بىلىكتىلىگىنىڭ تومەندەۋى تەندەنتسياسى – بۇگىنگى كۇننىڭ شىندىعى بولىپ وتىر. ونى كەلتىرىلگەن مىسال دا دالەلدەپ وتىر»، - دەپ ەسەپتەيدى «اقجولدىقتار».
وسىعان وراي، «اق جول» دەپۋتتاتارى قارجي مينيسترلىگىن اتالمىش ماسەلەنى رەتتەپ، ويدان شىعارىلعان سالىقتى ەسەپتەۋدى توقتاتىپ، بيزنەسكە نەگىزسىز قىسىم كورسەتۋدى دوعارىپ، قازاقستاننىڭ ينۆەستيتسيالىق كليماتىن قورعاۋدى سۇرايدى.
بۇدان بولەك، فراكتسيا فيسكالدى ورگانداردىڭ تاجىريبەسىنە ايماقتاعى قىزمەتكەرلەر ءۇشىن تۇراقتى تۇردە اكىمشىلىك جانە ەكونوميكالىق پروتسەستەردىڭ نەگىزىن ءتۇسىندىرۋ، ياعني «ەكونوميكالىق ساۋاتتاندىرۋ» بويىنشا كاسىبي سەمينارلار مەن ترەنينگتەر ەنگىزۋدى قاجەت دەپ سانايدى.
«اق جول» پارتياسى مەن ونىڭ پارلامەنتتىك فراكتسياسى سايلاۋالدى باعدارلاما بويىنشا جۇمىستى جۇزەگە اسىرۋدى جالعاستىرۋدا.
