«Aq jol» fraksiiasy salyqşylarǧa «ekonomikalyq sauattandyrudy» engızudı ūsyndy – būl turaly Ekaterina Nikitinskaia özınıŋ Premer-Ministrdıŋ Bırınşı orynbasary - Qarjy ministrı Älihan Smaiylovqa joldaǧan deputattyq saualynda habarlady.
Salyq organdarynyŋ zaŋnamalyq normalardy bırtürlı erekşe paiymdauyna bailanysty «Aq jol» partiiasyna bırqatar käsıporyn jügındı. Mysaly, Qostanai oblysynyŋ Memlekettık kırıster departamentı ekı käsıporynǧa 2014-2016 jj. aralyǧyndaǧy beirezidentten tüsken valiutalyq qaryz ötemıne bailanysty aldyn ala tölem jäne qosymşa qūn salyǧyn töleu jönınde talap qoiǧan.
Deputattyŋ aituynşa, būl otandyq fiskaldardyŋ kezektı jaŋalyǧy.
Qaşannan berı, qandai normativtık qūjattarǧa jäne ekonomikalyq negızderge säikes qostanailyq salyqşylar nesie tölemderıne qosymşa qūn salyǧy salynuy tiıs dep esepteidı? Älde olar ne aqylǧa qonymsyz, ne ekonomikalyq täjıribege baǧynbaityn öz fiskaldy saiasatyn jürgızıp jür me?
Halyqaralyq ekonomikada tölemdık jäne qaitarymdyq şartyndaǧy qaryz operasiialaryna jäne olardyŋ syiaqylaryna qosymşa qūn salyǧy salynbaidy. Atalmyş tölemderde qosymşa qūn qarastyrylmaǧandyqtan, salyq tölemınıŋ obektısı joq.
Sonymen qatar, qarjylyq esepterdıŋ halyqaralyq standarttaryna säikes qaryz qarajatyna tölenetın syiaqy öndırıletın produksiianyŋ özındık qūnyna kıredı. Qaryz aluşynyŋ tauary nemes qyzmetınıŋ qūnynda qosymşa qūn salyǧy kırıp tūr. Qaryz syiaqysyna qosymşa qūn salyǧyn jeke engızu – salyq töleuşınıŋ bır şyǧynǧa ekı ret salyq töleuı. Būl öz kezegınde kez kelgen salyq jüiesı qūrylymynyŋ negızgı qaǧidaty – ekı rettık salyq töleu qaǧidatyna qaişy keledı.
Qazırgı QR Salyq kodeksıne säikes (394 baby, 16 tarmaq) tölemdık jäne qaitarymdyq şartyndaǧy qaryz operasiialary jäne olardyŋ syiaqylary qosymşa qūn salyǧynan bosatylǧan. Tölemdık, şūǧyldyq, qaitarymdyq şarttaǧy qaryz operasiialardy jüzege asyru ainalymdary qosymşa qūn salyǧynan bosatylǧany turaly QR Qarjy ministrlıgınıŋ Memlekettık kırıster komitetı töraǧasynyŋ ekı resmi hatynda da (2018 jyldyŋ 18 mausymy men 27 tamyzynan, №503874 jäne №513021) körsetılgen.
«Salyq organdarynyŋ būl äreketın, atalmyş normanyŋ salyqtyq zaŋnamada tek 2017 jyly paida bolǧanymen tüsındıruge bolatyn şyǧar. Bıraq otandyq zaŋnamada atalmyş normanyŋ bolmauy 2017 jylǧa deiıngı obektivtı ekonomikalyq zaŋdardyŋ qūzyretın alyp tastai almaidy. Kerısınşe, Salyq kodeksındegı atalmyş norma käsıpkerlerdı qorǧau üşın jäne, soǧan qaraǧanda, ekonomikalyq qatynastardan habary joq fiskaldy organdardyŋ qyzmetkerlerdıŋ köbeiuıne bailanysty engızılgen», - dedı Nikitinskaia. Sondai-aq, ol sonymen qatar salyq zaŋnamasynda tüsınıksız jäne rettelmegen mäselelerdıŋ barlyǧy salyq töleuşınıŋ paidasyna qarai tüsındıretın salyq töleuşınıŋ adaldyq prinsipınıŋ de paida bolǧanyn da atap öttı.
«Öitpegende, fiskaldardyŋ qūqyqty da, ekonomikalyq zaŋdardy da elemeitın «tapqyştyǧynyŋ» arqasynda biznespen ainalysatyn adamdardy taba almai qalamyz. Ökınışke qarai, şeneunıkterdıŋ, äsırese jemqorlyq qaupı joǧary salasyndaǧy, käsıbilıgı men bılıktılıgınıŋ tömendeuı tendensiiasy – bügıngı künnıŋ şyndyǧy bolyp otyr. Ony keltırılgen mysal da däleldep otyr», - dep esepteidı «aqjoldyqtar».
Osyǧan orai, «Aq jol» deputtatary Qarji ministrlıgın atalmyş mäselenı rettep, oidan şyǧarylǧan salyqty esepteudı toqtatyp, bizneske negızsız qysym körsetudı doǧaryp, Qazaqstannyŋ investisiialyq klimatyn qorǧaudy sūraidy.
Būdan bölek, fraksiia fiskaldy organdardyŋ täjıribesıne aimaqtaǧy qyzmetkerler üşın tūraqty türde äkımşılık jäne ekonomikalyq prosesterdıŋ negızın tüsındıru, iaǧni «ekonomikalyq sauattandyru» boiynşa käsıbi seminarlar men treningter engızudı qajet dep sanaidy.
«Aq jol» partiiasy men onyŋ parlamenttık fraksiiasy sailaualdy baǧdarlama boiynşa jūmysty jüzege asyrudy jalǧastyruda.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz