ازاماتتىق باستامالاردىڭ alash.online سايتىندا «جەدەل جاردەم قىزمەتكەرلەرىن قورعاۋدى تالاپ ەتەمىز!» اتتى پەتيتسيا جاريالاندى، دەپ حابارلايدى “ادىرنا” ۇلتتىق پورتالى.
پەتيتسيا اۆتورى – ارعىن سمايىلوۆ، جەدەل جاردەم جۇرگىزۋشىسى. ازاماتتىڭ ايتۋىنشا، ونىڭ ارىپتەستەرى وزدەرىنە دەگەن قۇرمەتسىزدىك پەن اگرەسسياعا ءجيى ۇشىرايدى.
“بۇل مەنىڭ جەدەل جاردەم جۇرگىزۋشىسى رەتىندەگى جان ايقايىم. مەن 10 جىلدىق تاجىريبەسى بار جەدەل جاردەم جۇرگىزۋشىسىمىن. مەن جەدەل جاردەم قىزمەتكەرلەرىنىڭ پروبلەمالارى تۋرالى ايتقىم كەلەدى، ويتكەنى مەن ءوز قورعانسىزدىعىمىزدان شارشادىم. قوعام بىزدەن ءوز ومىرلەرىن ساقتاپ قالۋدى جانە قيىن ۋاقىتتا تەز كەلۋدى تالاپ ەتەدى. بىراق ولار ءبىزدى جاي عانا قۇرمەتتەمەك تۇگىلى، ءتىپتى جۇمىس ىستەۋىمىزگە كەدەرگى كەلتىرەدى”، – دەپ قىزمەتكەر ءوز ويىن جەتكىزدى.
سونىمەن قاتار، سمايىلوۆ كومەك شاقىرعان پاتەرلەردە جەدەل جاردەم دارىگەرلەرىنە ءجيى شابۋىل جاسالاتىنىن اتاپ ءوتتى.
"توتەنشە جاعدايلار قىزمەتكەرلەرى قورعانسىز ەكەنىن مويىنداۋ كەرەك. مۇعالىمدەردىڭ، پوليتسيانىڭ، اسكەريلەردىڭ مارتەبەسى بار – ەندى ءبىزدىڭ مارتەبەمىزدى جانە ءبىزدى ازاماتتاردىڭ ءجونسىز ارەكەتىنەن قورعايتىن ۋاقىت كەلدى. مەديتسينا قىزمەتكەرلەرىنە جاسالعان اگرەسسيانى پوليتسياعا جاسالعان شابۋىلمەن تەڭەستىرۋ كەرەك. جەدەل جاردەم كولىگىن تەۋىپ، زاقىمداسا – ايىپپۇل. جەدەل جاردەم جۇرگىزۋشىسىن ۇردى – 1 جىل تۇرمەدە. ال دارىگەردى ۇرعانى ءۇشىن ەڭ از مولشەردە 3-5 جىل بەرۋ كەرەك»، – دەيدى سمايىلوۆ.
“ادىرنا” ۇلتتىق پورتالى
