"ادىرنا" ۇلتتىق پورتالىنىڭ يۋتۋب ارناسىندا كەزەكتى سۇحبات جارىق كوردى. بۇل جولى "ۇلتتىق يدەولوگيا جانە ۇلتتىق قۇندىلىقتار" تاقىرىبىندا فيلوسوف پەن ۇلتتىق اسپاپتار شەبەرى پىكىرتالاسىپ، سوڭعى 30 جىلدا قوعامدا ءورىس العان جاعدايدى تالقىلادى.
فيلوسوف ءابدىراشيت باكىرۇلى:
ۇلتتىق يدەيا - ۇلتتىق ارمان. ءار حالىق ارمانسىز ءومىر سۇرە المايدى. ال ۇلتتىق يدەولوگيا مەملەكەتتە اتقارىلاتىن تاكتيكالىق كورىنىس. كەز كەلگەن مەملەكەت ءوز حالقىنىڭ يدەياسىن يدەولوگيا ارقىلى جۇزەگە اسىرادى.
ەتنوديزاينەر، سۋرەتشى، شەبەر الماس سەرىكۇلى:
قازاقستان تاۋەلسىزدىگىن بۇگىن العان جوق. ەسكى جانە جاڭا قازاقستان دەپ ءبولىپ جاتىر. ايتەۋىر ءبىز بۇرىنعى ءبىر مەملەكەتپىز. بىراق ساياسي جۇيەنىڭ اۋىسۋىنا قاراي شارتتى اتاۋلار بەرىلىپ جاتىر. 30 جىلدىڭ ىشىندە ءبىز سونى ىستەي الدىق پا؟ ءوزىمىزدىڭ ۇلتتىق يدەولوگيامىزدى قالىپتاستىرا الدىق پا؟ قالىپتاسپادى. بىراق قالىپتاسپاۋىنا كىمدەر مۇددەلى بولدى؟ سونداي نارسەلەر بار
سونىمەن قوسا ۇرپاق تاربيەسى، سالت-ءداستۇر جانە وعان ۋاقىت اعىمىمەن ەنگەن وزگەرىستەر جايى ايتىلادى. سپيكەرلەر گەندەرلىك احۋال، ءدىني ماسەلە، ءبىلىم مەن عىلىمدى دامىتۋدىڭ سيپاتى تۋرالى دا پىكىر الماسقان. ولار قالىپتاسقان كەيبىر جاعدايلاردى رەتتەۋگە ءوز ۇسىنىستارىن دا ءبىلدىرىپ، ماسەلەنى شەشۋ جولدارىن تالدايدى.
