اقش ۋكرايناعا 250 ملن دوللاردىڭ اسكەري كومەگىن بەرەدى

1681
Adyrna.kz Telegram

پەنتاگوننىڭ حابارلاۋىنشا، جاڭا ترانش اياسىندا ۋكراينانىڭ اسكەري-تەڭىز كۇشتەرى مەن ارمياسىنا اسكەر قۇرال-جابدىقتار بەرىلەدى، قوسىمشا وقۋ-جاتتىعۋلار وتكىزىلەدى. مالىمدەمەدە بۇل سەرىكتەستىككە ۋكرايناداعى رەفورمالار نەگىز بولعانى، ونىڭ ناتيجەسىندە ۋكراينا اسكەرى ناتو ستاندارتتارىنا جاقىنداي تۇسكەنى ايتىلعان.

رەسەي ۋكراينانىڭ شىعىسىنداعى سەپاراتيستەرگە ءتۇرلى اسكەري قۇرال-جابدىقتارمەن، سونىڭ ىشىندە 450 تانكى جانە 700 اۋىر تەحنيكامەن كومەكتەسىپ وتىر دەپ مالىمدەدى اقش-تىڭ ۋكرايناداعى بۇرىنعى ەلشىسى دجون حەربست. ول مۇنى پەنتاگوننىڭ مالىمدەمەسىنەن كەيىن، اقش سەناتىنىڭ حالىقارالىق قاتىناستار كوميتەتىندە وتكەن تىڭداۋدا ايتتى.

اقش 2014 جىلدان بەرى ۋكرايناعا قۇنى 1,5 ميلليارد دوللارعا جۋىق اسكەري كومەك كورسەتكەن. اسكەري كومەكتىڭ نەگىزگى ماقساتى – ۋكراينانى رەسەي اگرەسسياسىنان قورعاۋ جانە ۋكراين ارمياسىن رەفورمالاۋعا سەپتەسۋ.

"ازاتتىق" راديوسى

پىكىرلەر