باتىس قازاقستان وبلىسى سۇيىتىلعان گازعا دەگەن قاجەتتىلىگىن جابا باستادى. بۇل تۋرالى «Facebook» الەۋمەتتىك پاراقشاسىندا باتىس قازاقستان وبلىسىنىڭ اكىمى ناريمان تورەعاليەۆ حابارلادى.
«قۇرمەتتى جەرلەستەر! ەستەرىڭىزدە بولسا، مەملەكەت باسشىسىنىڭ تاپسىرماسى اياسىندا وسىدان ءبىر اي بۇرىن وبلىسىمىزدا ۇكىمەت باسشىسىنىڭ قاتىسۋىمەن «روجكوۆسكوە» گاز كەن ورنى ىسكە قوسىلعان بولاتىن.
اتالعان شارا بارىسىندا باق وكىلدەرىنە سۇحبات بەرگەنىمدە جاڭا كەن ورنى وبلىسىمىزدىڭ سۇيىتىلعان گازعا دەگەن سۇرانىسىن جاباتىنىن ايتقان ەدىم.
ەندى مىنە اراعا تۋرا ءبىر اي سالىپ كەن ورنىنان وندىرىلگەن 1100 توننا سۇيىتىلعان گاز وبلىس قاجەتتىلىگىنە ءبولىندى. اي سايىن وسىنداي كولەمدە وڭىرگە cۇيىتىلعان گاز جەتكىزىلىپ تۇراتىن بولادى.
2024 جىلدىڭ سوڭىنا دەيىن كەن ورنىندا 4 ۇڭعىمانى پايدالانۋعا بەرۋ جوسپاردا بار. وسىلايشا ءونءدىرىس قۋاتىن ارتتىرىپ، بۇرىنعىداي سۇيىتىلعان گازدى باسقا وبلىستاردان اكەلۋدەن ارىلامىز.
بۇل بىرلەسكەن ەڭبەكتىڭ ناتيجەسى. ءوندىرىس ورنىندا ەڭبەك ەتىپ جۇرگەن گاز سالاسىنىڭ بارلىققىزمەتكەرلەرىنە ريزاشىلىعىمدى بىلدىرەمىن!»، - دەپ جازدى بقو اكىمى.
