Kúndizgi ýaqytta, ıaǵnı 22-23 qańtar aralyǵynda Almaty men oblysta turǵyn úıler men saıajaılardy jalǵa alýǵa suranys kúrt ósken, dep habarlaıdy “Adyrna ulttyq portaly Krisha.kz silteme jasap.
Sarapshylardyń aıtýynsha, úıler men saıajaılardy kúndelikti jalǵa berý týraly ótinishterdiń sany artqan. Jer silkinisinen keıingi táýlikte ol 4 esege ósken. Biraq bul ózgeris kópke sozylǵan joq.
24 qańtardaǵy jaǵdaı boıynsha naryqta basqa ózgerister joq. Páter satqysy keletinder sany kóbeıgen joq, al Astanadaǵy baspanaǵa suranys artpaǵan.
Bul ózgeris almatylyqtardyń jer silkinisi men jalǵan boljamdardan qorqyp, jeke úı jaldaýdy oılaǵannan bolýy múmkin.
Almatyda úıdi jaldaýdyń ortasha quny kúnine 100 000 teńgeni quraıdy. Kúndelikti jalǵa beriletin úılerdiń ereksheligi, olar negizinen merekelik sharalar men keshterge arnalǵan: barlar, úlken barbekıý alańdary, karaoke jáne t.b. jabdyqtalǵan. Sondyqtan mundaı nysandardyń baǵasy árqashan joǵary.
Úı satyp alýǵa keletin bolsaq, munda eshqandaı ózgeris joq. Baǵa turaqty.
Usynystardy taldaýǵa sáıkes Almatydaǵy jeke úıdiń ortasha quny Krisha.kz, - 40 mln teńge.
“Adyrna” ulttyq portaly
