سەمەي كونسەرۆىلەنگەن ونىمدەردى ماسكەۋگە ەكسپورتتاۋدا

2007
Adyrna.kz Telegram

سەمەي قالاسى رەسەي فەدەراتسياسىنا 60 مىڭ توننا ەت ونىمدەرىن ەكسپورتتادى. بۇل تۋرالى ءباسپاسوز ءماسليحاتىندا قالالىق اۋىل شارۋاشىلىعى ءبولىمىنىڭ باسشىسى نۇرلان شاقاباەۆ مالىمدەدى.
ءبولىم ماماندارى اعىمداعى جىلدىڭ 5 ايىنىڭ قورىتىندىسى بويىنشا اۋىل شارۋاشىلىعى مالدارىنىڭ جەكە تۇرلەرى مەن مال شارۋاشىلىعى ونىمدەرىن ءوندىرۋ سانىنىڭ ۇلعايۋ ءۇردىسى ساقتالاتىنىن ايتتى. ءىرى قارا مال سانى وتكەن جىلمەن سالىستىرعاندا 5,8% - عا، جىلقى 10,1% - عا ءوستى.
- ءبىزدىڭ "سەمەي ەت كومبيناتى" جشس اعىمداعى جىلى ەت كونسەرۆىلەرى مەن شۇجىق ونىمدەرىنىڭ 3 پارتياسىن ەكسپورتقا شىعاردى. "اراي" جشس ماسكەۋ مەن نوۆوسىبىرگە 5,0 توننا شۇجىق ونىمدەرىن جىبەردى. ەكسپورت بويىنشا تۇجىرىمدامانى ورىندادىق، - دەدى ن. ماقاباەۆ.
جالپى، اعىمداعى جىلدىڭ 5 ايىندا 10,7 مىڭ توننا ەت، 10,4 مىڭ توننا ءسۇت جانە 960 مىڭ دانا جۇمىرتقا ءوندىرىلدى. ءسۇت ءوندىرىسى وتكەن جىلمەن سالىستىرعاندا 0,8%-عا ارتتى.
- "ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ" باعدارلاماسى بويىنشا 225 ملن.تەڭگە ءبولىندى. جەكە قوسالقى شارۋاشىلىقتاردى دامىتۋعا جانە ءىرى قارا مال، ۇساق مال مەن جىلقى ساتىپ الۋعا "اۋىل شارۋاشىلىعىن قارجىلاي قولداۋ قورى" ارقىلى 175 ملن.تەڭگە، ال اگرارلىق نەسيە كورپوراتسياسى ارقىلى 50 ملن. تەڭگە ءبولىندى. قازىرگى ۋاقىتتا بارلىق شارۋاشىلىقتار وسى جوبانى ىسكە اسىرۋ بويىنشا قۇجاتتاردى جيناۋعا مۇددەلى. بۇگىنگى كۇنى 13 ملن. تەڭگە قارجىلاندىرىلدى، - دەدى ءبولىم باسشىسى.
سەمەي وڭىرىندە كوكتەمگى ەگىس جۇمىستارى اياقتالۋدا. قازىر قىرىققابات پەن قىزىلشا سياقتى كوكونىستەردىڭ كەش سورتتارى وتىرعىزىلادى. ايتا كەتەيىك، بيىلعى جىلى ەگىس القابى 3 مىڭ گەكتارعا ۇلعايدى.
ن. شاقاباەۆ وبلىس اكىمى مەن اۋىل شارۋاشىلىعى مينيسترلىگىنىڭ بارلىق تاپسىرمالارى تولىق كولەمدە ورىندالىپ جاتقانىن اتاپ ءوتتى.

 

"ادىرنا" ۇلتتىق پورتالى

پىكىرلەر