Semeı qalasy Reseı Federaııasyna 60 myń tonna et ónimderin eksporttady. Bul týraly baspasóz máslıhatynda qalalyq aýyl sharýashylyǵy bóliminiń basshysy Nurlan Shaqabaev málimdedi.
Bólim mamandary aǵymdaǵy jyldyń 5 aıynyń qorytyndysy boıynsha aýyl sharýashylyǵy maldarynyń jeke túrleri men mal sharýashylyǵy ónimderin óndirý sanynyń ulǵaıý úrdisi saqtalatynyn aıtty. Iri qara mal sany ótken jylmen salystyrǵanda 5,8% - ǵa, jylqy 10,1% - ǵa ósti.
- Bizdiń "Semeı et kombınaty" JShS aǵymdaǵy jyly et konservileri men shujyq ónimderiniń 3 partııasyn eksportqa shyǵardy. "Araı" JShS Máskeý men Novosibirge 5,0 tonna shujyq ónimderin jiberdi. Eksport boıynsha tujyrymdamany oryndadyq, - dedi N. Maqabaev.
Jalpy, aǵymdaǵy jyldyń 5 aıynda 10,7 myń tonna et, 10,4 myń tonna sút jáne 960 myń dana jumyrtqa óndirildi. Sút óndirisi ótken jylmen salystyrǵanda 0,8%-ǵa artty.
- "Nátıjeli jumyspen qamtýdy jáne jappaı kásipkerlikti damytý" baǵdarlamasy boıynsha 225 mln.teńge bólindi. Jeke qosalqy sharýashylyqtardy damytýǵa jáne iri qara mal, usaq mal men jylqy satyp alýǵa "Aýyl sharýashylyǵyn qarjylaı qoldaý qory" arqyly 175 mln.teńge, al Agrarlyq nesıe korporaııasy arqyly 50 mln. teńge bólindi. Qazirgi ýaqytta barlyq sharýashylyqtar osy jobany iske asyrý boıynsha qujattardy jınaýǵa múddeli. Búgingi kúni 13 mln. teńge qarjylandyryldy, - dedi bólim basshysy.
Semeı óńirinde kóktemgi egis jumystary aıaqtalýda. Qazir qyryqqabat pen qyzylsha sııaqty kókónisterdiń kesh sorttary otyrǵyzylady. Aıta keteıik, bıylǵy jyly egis alqaby 3 myń gektarǵa ulǵaıdy.
N. Shaqabaev oblys ákimi men aýyl sharýashylyǵy mınıstrliginiń barlyq tapsyrmalary tolyq kólemde oryndalyp jatqanyn atap ótti.
"Adyrna" ulttyq portaly
