اقش 34 توننا قارۋ-جاراق ءپلۋتونيىنىڭ ارتىق قورلارىن اسكەري ماقساتتا پايدالانۋ مۇمكىندىگىن ارتتىرۋعا نيەتتى، دەپ حابارلايدى "ادىرنا" ءتىلشىسى اقش ۇلتتىق يادرولىق قاۋىپسىزدىك باسقارماسى (NNSA).
باسقارما مالىمەتىنشە، امەريكا قارۋ-جاراق ءپلۋتونيىنىڭ ارتىق قورلارىن اسكەري ماقساتتا پايدالانۋ مۇمكىندىگىن ساقتاپ قالۋدى كوزدەپ وتىر.
ال قارۋعا جارامدى پلۋتوني 239پۋ يادرولىق قارۋدىڭ نەگىزى، يادرولىق جارىلعىش قۇرال بولىپ تابىلادى.
NNSA مالىمەتتەرى بويىنشا، قازىرگى كەزدە اقش قارۋ-جاراقتىڭ ارتىق ءپلۋتونيىن سۇيىلتۋ، ونى باسقا زاتتارمەن ارالاستىرۋ ارقىلى جويۋدى جوسپارلاۋدا.
دەگەنمەن، پلۋتونيدى سۇيىلتۋ ءادىسى ونى قايتادان يادرولىق ماتەريالعا اينالدىرۋى دا مۇمكىن.
اقش ەنەرگەتيكا مينيسترلىگى 2018 جىلى قارۋ-جاراق ءپلۋتونييىن ەلەكتر ەنەرگياسىن ءوندىرۋ ءۇشىن اتوم ەلەكتر ستانتسياسىنىڭ وتىنىنا اينالدىرۋ ءادىسىن قولدانۋدان باس تارتقان.
ال Interfax.ru باسىلىمىنىڭ مالىمەتىنشە، امەريكا قۇراما شتاتتارى اتلالمىش ەلەمەنتتى قارۋ-جاراقتىڭ ارتىق مولشەرىن جويۋ ماقساتىندا وڭتۇستىك كارولينا شتاتىنداعى ساۆاننا وزەنىندەگى NNSA نىساندارىندا، نيۋ-مەكسيكوداعى لوس-الاموس ۇلتتىق زەرتحاناسىندا، سونىمەن قاتار تەحاستاعى Pantex زاۋىتىندا جاڭا ءوندىرىس ورىندارىن سالۋدى جوسپارلاپ وتىر.
